"Aman-saýlyq" qoǵamdyq qorynyń basshysy Qazaqstandaǵy bedeý otbasylardyń sany artyp jatqanyna alańdaýshylyq bildirdi.
Keibir mektepterdegi oqýshylar syrttaǵy ájethanaǵa barýǵa májbúr, bul olardy aldaǵy ýaqytta bedeýlikke shaldyqtyrýy múmkin, dep málimdedi "Aman-saýlyq" qoǵamdyq qorynyń prezidenti Baqyt Túmenova.
Ol senattaǵy parlament tyńdaýynda búginde bilik jasandy uryqtandyrýǵa (EKO) aqsha bólip otyrǵanyn atap ótti. Ótken jyly 900 kvota bólingen, biyl taǵy 900 kvota berilmek. Bir EKO protsedýrasy kem degende 700 myń teńge turady.
Onyń málimetinshe, Qazaqstandaǵy otbasylardyń 15% bedeý, sondyqtan bul kvota jetkiliksiz.
"Densaýlyq dárigerlerge ǵana bailanysty nárse emes, ol úshin densaýlyq saqtaý ministrliginen bastap, ózge de memlekettik qurylymdar jaýap berýi tiis", — deidi Túmenova.
"Máselen, men bedeýlik týraly aittym. Búginde bedeýlikke abort qana emes, sýyqtan bolatyn qabyný protsesteri de sebep bolyp otyr, óitkeni oqýshylardyń kóbisi aýladaǵy ájethanaǵa shyǵady", — dep túsindirdi sarapshy.
