Meksikanyń batysyndaǵy Michoakan shtatynda qaskóiler politsiiaǵa shabýyl jasap, kem degende 14-in óltirgen. Bul týraly Meksikanyń qoǵamdyq qaýipsizdik ministrligi Twitter paraqshasynda málimdedi, dep habarlaidy QazAqparat.
«Milenio» gazetiniń jazýynsha, qarýly qylmyskerler sottyń orderimen Agililia mýnitsipalitetine kelgen tártip saqshylaryn torýyldaǵan.
Habarlarǵa qaraǵanda, taǵy úsh politsei jaralanyp, hal ústinde jatyr. Budan tys, alty politsei habar-osharsyz ketti dep jariialandy.
Shabýyldaǵandar jol talǵamaityn brondy avtokólikte bolǵan.
Michoakan gýbernatory Silvano Aýreoles Koneho «bul qyrǵyndy jasaǵandar jazasyz qalmaidy» dep ýáde berdi.
