Saýd Arabiiasynyń Qaýipsizdik organdary aǵymdaǵy jyldyń 3-11 qyrkúiegi aralyǵynda jyl saiynǵy qajylyqty uiymdastyrý kezinde terrorizmge qatysy bar degen kúdikpen 54 adamdy ustady. Bul týraly QazAqparat jazdy.
Kúdiktilerdiń qataryna 30 saýdarabiialyq, Bahreinniń 13 azamaty, Brýneidiń 1 azamaty men taǵy alty eldiń ókilderi ilikti.
3 qyrkúiekte 13 kúdikti, sonyń ishinde Bahreinniń 9 azamaty, 3 pákistandyq, eki saýdarabiialyq, bir iemendik jáne bir sýdandyq qolǵa tústi. 5 qyrkúiekte taǵy bes kúdikti ustaldy.
Osy maýsymda qajylyqty uiymdastyrý úzdik qaýipsizdik sharalarymen erekshelendi. Mekkeniń barlyq sektoryna ornatylǵan 5000 kamera qoldanylǵan «Kóz» beinebaqylaý júiesi Úlken meshit janyndaǵy radiýsy shamamen 10 shaqyrymdy quraityn aýmaqty qamtydy.
Saýd qaýipsizdik ofitserleri qajylyqqa barǵandardyń ár baǵyty men jinalǵan oryndaryn baqylaǵanyn aitty. Saýd Arabiia Koroldigi ÁQ kapitany Tarek Al-Azam 1,8 millionnan astam qajylyqqa kelýshilerdiń qaýipsizdigin qamtamasyz etý úshin ondaǵan úzdik ofitser táýlik boiy kezekshilikte bolǵanyn aitty.
