Meksika astanasy Mehiko qalasynyń metropoliteninde qaiǵyly oqiǵa boldy. Poiyz ótip bara jatqan estakada opyrylyp túsip, kem degende 23 adam qaza tapty, olardyń arasynda balada bar. Bul týraly Euronews habarlady.
Sońǵy málimet boiynsha, zardap shekkender sany – 70 adam. Olardyń kóbi aýrýhanaǵa jetkizilgen. Birneshe adam aýyr halde jatyr.
Oqiǵa dúisenbi kúni, jergilikti ýaqyt boiynsha keshki saǵat 22-de metronyń 12-shi jelisindegi «Olivos» jáne «Tesonko» stansalarynyń arasynda bolǵan. Kópirdiń astynda kólik joly ornalasqan. Poiyz quramynyń eki vagony men estakadanyń bir bóligi kópir astyndaǵy jolmen ótken kólikterdiń ústine qulady.
Qazirgi kezde qutqarý operatsiiasy aiaqtaldy.
Oqiǵanyń sebepteri anyqtalyp jatyr. Estakada kóliktiń biri kópir tireýiniń soqqannan qulaǵan dep habarlanyp otyr. Sondai-aq, metropolitenniń bul jelisiniń qurylysy kezinde kóptegen kemshilikke jol berilgeni belgili boldy.
