Qazaqstanda 1 qarashadan bastap mekenjai anyqtamasynyń joiylatyny belgili. «Azamattarǵa arnalǵan úkimet» memlekettik korporatsiia basqarmasynyń tóraǵasy Ásemgúl Baltasheva odan bólek taǵy 28 anyqtamanyń da joiylatynyn jariialady, dep habarlaidy QazAqparat.
«Elimizde mekenjaiy anyqtamasyn joiý – jumystyń basy ǵana. Biz qazirgi ýaqytta dál osyndai 28 anyqtamany joiýdy kózdep otyrmyz. Iaǵni, taǵy 28 anyqtamany alý úshin Halyqqa qyzmet kórsetý ortalyǵyna barýdyń qajeti bolmai qalady», - dedi Ásemgúl Baltasheva elordada ótip jatqan «Tsifrlyq kúz» sharasynda.
Onyń aitýynsha, ártúrli sipattaǵy anyqtamalar men qujattar ómirlik qajettilikterden týyndaidy.
«Biz sheteldik tájiribelerdiń kóbin zerttep, qyzmetterdiń sapasy men qoljetimdiligin arttyrý úshin aýqymdy taldaý jumystaryn júrgizdik. Belgili bir qujatty alý úshin mindetti túrde ýaqyt bólip, mekeme aralaýdyń qajettigi joiylyp barady. Memlekettik qyzmetterdi alýdyń proaktivti túrde alý múmkindigin jolǵa qoidyq. Proaktiv degenimiz – qyzmettiń óziniń azamattardy izdep tabýy degendi bildiredi. Qaida baram, ne isteimin dep bas qatyrýdyń keregi joq. Osynaý 28 memlekettik qyzmettiń túrin 17 proaktivti qyzmetke aýystyryp jatyrmyz. Iaǵni, 28 qyzmettiń túrin registrden alyp tastaimyz», - dedi Ásemgúl Baltasheva.
Eske sala ketsek, Ishki ister ministrligi Qazaqstanda mekenjai anyqtamasy joiylatynyn buǵan deiin habarlaǵan bolatyn.
