قازاقستاندا 1 قاراشادان باستاپ مەكەنجاي انىقتاماسىنىڭ جويىلاتىنى بەلگٸلٸ. «ازاماتتارعا ارنالعان ٷكٸمەت» مەملەكەتتٸك كورپوراتسييا باسقارماسىنىڭ تٶراعاسى ەسەمگٷل بالتاشەۆا ودان بٶلەك تاعى 28 انىقتامانىڭ دا جويىلاتىنىن جارييالادى, دەپ حابارلايدى قازاقپارات.
«ەلٸمٸزدە مەكەنجايى انىقتاماسىن جويۋ – جۇمىستىڭ باسى عانا. بٸز قازٸرگٸ ۋاقىتتا دەل وسىنداي 28 انىقتامانى جويۋدى كٶزدەپ وتىرمىز. ياعني, تاعى 28 انىقتامانى الۋ ٷشٸن حالىققا قىزمەت كٶرسەتۋ ورتالىعىنا بارۋدىڭ قاجەتٸ بولماي قالادى», - دەدٸ ەسەمگٷل بالتاشەۆا ەلوردادا ٶتٸپ جاتقان «تسيفرلىق كٷز» شاراسىندا.
ونىڭ ايتۋىنشا, ەرتٷرلٸ سيپاتتاعى انىقتامالار مەن قۇجاتتار ٶمٸرلٸك قاجەتتٸلٸكتەردەن تۋىندايدى.
«بٸز شەتەلدٸك تەجٸريبەلەردٸڭ كٶبٸن زەرتتەپ, قىزمەتتەردٸڭ ساپاسى مەن قولجەتٸمدٸلٸگٸن ارتتىرۋ ٷشٸن اۋقىمدى تالداۋ جۇمىستارىن جٷرگٸزدٸك. بەلگٸلٸ بٸر قۇجاتتى الۋ ٷشٸن مٸندەتتٸ تٷردە ۋاقىت بٶلٸپ, مەكەمە ارالاۋدىڭ قاجەتتٸگٸ جويىلىپ بارادى. مەملەكەتتٸك قىزمەتتەردٸ الۋدىڭ پرواكتيۆتٸ تٷردە الۋ مٷمكٸندٸگٸن جولعا قويدىق. پرواكتيۆ دەگەنٸمٸز – قىزمەتتٸڭ ٶزٸنٸڭ ازاماتتاردى ٸزدەپ تابۋى دەگەندٸ بٸلدٸرەدٸ. قايدا بارام, نە ٸستەيمٸن دەپ باس قاتىرۋدىڭ كەرەگٸ جوق. وسىناۋ 28 مەملەكەتتٸك قىزمەتتٸڭ تٷرٸن 17 پرواكتيۆتٸ قىزمەتكە اۋىستىرىپ جاتىرمىز. ياعني, 28 قىزمەتتٸڭ تٷرٸن رەگيستردەن الىپ تاستايمىز», - دەدٸ ەسەمگٷل بالتاشەۆا.
ەسكە سالا كەتسەك, ٸشكٸ ٸستەر مينيسترلٸگٸ قازاقستاندا مەكەنجاي انىقتاماسى جويىلاتىنىن بۇعان دەيٸن حابارلاعان بولاتىن.
