Qalada jylý, elektr qýaty, sý jáne káriz júiesiniń tarifteri jyldyń sońyna deiin burynǵy deńgeide qalady, al gazǵa tipten 4 paiyzǵa tómendeidi. Ol týraly «Nur Otan» partiiasynyń qalalyq keńsesinde ótken saiasi keńeste belgili boldy.
Almaty ákimi Baýyrjan Baibek kommýnaldyq qyzmetterge tarif qalyptastyrý júiesi qala turǵyndary arasyndaǵy eń ózekti máselelerdiń biri ekenin jáne ol bileýshi partiianyń turaqty baqylaýynda ekenin atap aitty. Búgingi tańda 1,5 mln.-ǵa jýyq almatylyqtar kommýnaldyq qyzmetterdi jergilikti biýdjet esebinen shektelgen baǵa boiynsha alýda. Kommýnaldyq tólemderi jalpy tabysynyń 10%-nan asatyn qala turǵyndaryna turǵyn úi kómegine qarajat bólinýde.
«Memleket basshysy negizsiz tarifty joǵarylatýǵa jol bermeýge nusqaý berdi. Ol tikelei adamdardyń ómir súrý deńgeiine, kásipkerlerge, baǵalarǵa, bárine áser etedi. Osy maqsatta qalalyq prokýratýramen monopolister arasynda aýqymdy, jan-jaqty tekserý jýrgizildi. Negizsiz baǵalardy kóterý faktileri anyqtaldy. Qabyldanǵan sharalar arqasynda 1,5 mln.- ǵa jýyq azamattardyń quqyqtary qorǵaldy, 4,7 mlrd. teńgege jýyq ótemaqylyq tarifter engizildi. Kommýnaldyq qyzmet qunyn arttyrý úshin eshqandai da negiz joq. Bizdiń almatylyqtar artyq tólem jasamaýy úshin, kez-kelgen negizsiz áreketter toqtatylady. Prezidenttiń tapsyrmasy bar jáne ol oryndalady», - dedi Baýyrjan Baibek.
Tarifty qalyptastyrý salasyndaǵy jaǵdaidy baiandaý barysynda, Almaty prokýrory Berik Jýiriktaev qalanyń basty qadaǵalaýshy organdar tarapynan jýrgizilgen tekserý barysynda birqatar monopoliia sýbektileri jóninde shyǵyndardyń negizsiz ósýi, onyń ishinde shyǵyndardyń jasandy ósýi jáne investitsiialyq baǵdarlamardyń oryndalmaýy anyqtalǵanyn aitty.
«Biz Almatyenergosbyt-ta elektr qýatyn retteý qyzmetine tariftik smetada jariialanǵan sommanyń 70%-, al amortizatsiialyq aýdarymdar boiynsha 30% ǵana jumsalǵanyn dáleldedik. Iaǵni, josparlaǵan 500 mln. teńgeniń ornyna 150 mln. teńge. Nátijesinde úsh jyl ishinde tarifqa negizsiz 1 mlrd. 370 mln. teńge bólingen. Bul somma 2018 jylǵa arnalgan tarifty kelisý kezinde shegerilgen. Energosbyt óz kinásin moiyndap, jaýapkershilikke tartyldy. Óz kezeginde «Alataý Jaryq Kompaniiasy» tótenshe retteý sharalaryn engizý esebinen elektr qýatyn berý tarifyn kóterdi. Keiinirek anyqtalǵandai, olar bul sharany tótenshe jaǵdai sanatyna jatpaityn kishigirim avariialar men aǵymdaǵy jóndeý kerektigimen negizdegen. Bizdiń talaptarǵa sáikes, ýákiletti organ óz sheshiminiń kúshin joidy. Qabyldanǵan sharalarmen 2,17 mlrd. teńgege shyǵyndardy óteý úshin ótemdik tarifteri engizildi. 2,83 mlrd. teńgege bolashaq shyǵynnyń aldy alyndy. Aǵymdaǵy tarif 5,6%-ǵa tómendedi», - dep habarlady Berik Júirikbaev.
Qala prokýrorynyń aqparaty boiynsha, sonymen qatar KazTransGaz Aimaq–ta tekserildi. Munda infestitsiialyq baǵdarlamanyń belgili bir sharalary oryndalmaǵany belgilendi. Prokýrorlyq sharalardyń arqasynda 425 mln.teńge ótemaqylyq tarif engizildi. Kásiporyn 50 mln. teńgege ákimshilik jaýapkershilikke tartyldy.
«Almaty Sý» jyldan jylǵa ózderiniń jasandy qarjylylyq esepterinde tehnikalyq shyǵyndardyń eki ese artýyn kórsetedi. iaǵni bekitilgen 17,8% ornyna 35% kórsetedi, demek bul 70 mln. tekshe sý. Bul Taldyqorǵan jáne Qaraǵandy qalalarynyń aýyz sýdy tutyný mólsherine sáikes keledi. Sonymen qatar elektr qýatyn satyp alý shyǵyndary esebinen de tarif kóterilgen. Aiyrmashylyq 400 mln. teńge-ni qurady. Odan bólek AO «Almaty elektr stantsiiasy» boiynsha tariftik smetada otyn shyǵyndaryna 11,3 mlrd. teńge belgilengen. Is júzinde bar-joǵy 10,2 mlrd.teńge ǵana jumsalǵan. Biz 110 mln. teńgege ótemaqy tarifin engizdik», - dedi ol.
Óz kezeginde monopoliiaǵa qarsy ókilderdiń esepterteýleri boiynsha, Almaty qalasynyń turǵyndary úshin ortasha eseppen bir jylda bir bólmeli páter úshin 4,2 myń teńge, eki bólmeli páter úshin 6,6 myń teńge, úsh bólmeli páter úshin 9,6 myń teńge únemdeledi.
«Tutynýshylar bunyń bárin qazan aiynda óz túbirtekterinen kóre alady» - dep habarlady Kazahstan Respýblikasy Ulttyq ekonomika ministrliginiń tabiǵi monopoliialardy retteý, básekestikti jáne tutynýshylardyń quqyqtaryn qorǵaý komiteti. Olardyń boljamdaryna sáikes bul sharalar keler jyly energetika men kommýnaldy sharýashylyqtyń negizgi túrlerine tarif qalyptastyrýda ózgeristerge jol bermeidi.
Jalpy alǵanda ótken jyly Almatyda 800 shaqyrymdyq injenerlik komýnikatsiialar salynyp, kaita quryldy. Tamyz aiynyń sońyna qarai 12 shaqyrymdyq jylý jelilerin jóndeý jumystary, qoldanystaǵy gaz qubyrlaryn keńeitý jáne 120 myńnan astam turǵyndardy sýmen qamtamasyz etetin jańa sý jelilerin salý aiaqtalady.
