Astanada qoǵamdyq orynda jalańash júrgen er adamǵa qatysty sot sheshimi shyqty. Qoǵamdyq tártipti buzǵan azamat 15 táýlikke ákimshilik qamaqqa alyndy, dep habarlaidy ult.kz.
Astanada qoǵamdyq orynda jalańash júrgen er adam 15 táýlikke qamaldy
Elordanyń ákimshilik quqyq buzýshylyqtar jónindegi mamandandyrylǵan aýdanaralyq sotynyń baspasóz qyzmetiniń málimetinshe, Q. esimdi azamat bógde adamdardyń kózinshe qoǵamdyq orynda jalańash júrgen. Sot onyń áreketin qoǵamdyq tártipti óreskel buzý ári ainalasyndaǵylarǵa qurmetsizdik tanytý dep baǵalady.
Sot otyrysynda er adam kinásin moiyndap, jasaǵan áreketine ókinetinin jetkizgen.
Ákimshilik quqyq buzýshylyq týraly kodekstiń 434-babynyń 1-bóligi boiynsha mundai quqyq buzýshylyq úshin 20 ailyq eseptik kórsetkish mólsherinde aiyppul salý nemese 5-ten 10 táýlikke deiin ákimshilik qamaqqa alý qarastyrylǵan.
Alaida sot istiń mán-jailaryn eskere otyryp, er adamǵa 15 táýlikke ákimshilik qamaqqa alý jazasyn taǵaiyndaǵan. Sot qaýlysynda quqyq buzýshylyqtyń sipaty, qoǵamdyq tártipke keri áseri jáne mundai áreketterdiń aldyn alý qajettigi nazarǵa alynǵany aitylǵan.
Aita keteiik, sot qaýlysy ázirge zańdy kúshine engen joq.
