استانادا قوعامدىق ورىندا جالاڭاش جٷرگەن ەر ادامعا قاتىستى سوت شەشٸمٸ شىقتى. قوعامدىق تەرتٸپتٸ بۇزعان ازامات 15 تەۋلٸككە ەكٸمشٸلٸك قاماققا الىندى, دەپ حابارلايدى ult.kz.
استانادا قوعامدىق ورىندا جالاڭاش جٷرگەن ەر ادام 15 تەۋلٸككە قامالدى
ەلوردانىڭ ەكٸمشٸلٸك قۇقىق بۇزۋشىلىقتار جٶنٸندەگٸ مامانداندىرىلعان اۋدانارالىق سوتىنىڭ باسپاسٶز قىزمەتٸنٸڭ مەلٸمەتٸنشە, ق. ەسٸمدٸ ازامات بٶگدە ادامداردىڭ كٶزٸنشە قوعامدىق ورىندا جالاڭاش جٷرگەن. سوت ونىڭ ەرەكەتٸن قوعامدىق تەرتٸپتٸ ٶرەسكەل بۇزۋ ەرٸ اينالاسىنداعىلارعا قۇرمەتسٸزدٸك تانىتۋ دەپ باعالادى.
سوت وتىرىسىندا ەر ادام كٸنەسٸن مويىنداپ, جاساعان ەرەكەتٸنە ٶكٸنەتٸنٸن جەتكٸزگەن.
ەكٸمشٸلٸك قۇقىق بۇزۋشىلىق تۋرالى كودەكستٸڭ 434-بابىنىڭ 1-بٶلٸگٸ بويىنشا مۇنداي قۇقىق بۇزۋشىلىق ٷشٸن 20 ايلىق ەسەپتٸك كٶرسەتكٸش مٶلشەرٸندە ايىپپۇل سالۋ نەمەسە 5-تەن 10 تەۋلٸككە دەيٸن ەكٸمشٸلٸك قاماققا الۋ قاراستىرىلعان.
الايدا سوت ٸستٸڭ مەن-جايلارىن ەسكەرە وتىرىپ, ەر ادامعا 15 تەۋلٸككە ەكٸمشٸلٸك قاماققا الۋ جازاسىن تاعايىنداعان. سوت قاۋلىسىندا قۇقىق بۇزۋشىلىقتىڭ سيپاتى, قوعامدىق تەرتٸپكە كەرٸ ەسەرٸ جەنە مۇنداي ەرەكەتتەردٸڭ الدىن الۋ قاجەتتٸگٸ نازارعا الىنعانى ايتىلعان.
ايتا كەتەيٸك, سوت قاۋلىسى ەزٸرگە زاڭدى كٷشٸنە ەنگەن جوق.
