Resei úkimetiniń tóraǵasy Dmitrii Medvedev Baqytjan Saǵyntaevty Qazaqstan premer-ministri bolyp taǵaiyndalýymen quttyqtady, dep habarlady government.ru. Bul týraly QazAqparat jazdy.
«Reseide Sizdi kópjosparly reseilik-qazaqstandyq yntymaqtastyqty damytýdyń jaqtasy retinde jaqsy tanidy. Qazaqstan premer-ministriniń birinshi orynbasary retinde Siz ekonomikalyq jáne gýmanitarlyq salalarda iri birlesken jobalardy iske asyrýǵa tikelei qatysyp, Eýraziialyq ekonomikalyq odaq aiasynda integratsiialyq úderisterdi tereńdetýge qomaqty jeke úlesińizdi qostyńyz. Resei áriptesterińiz arasynda bedelińiz joǵary. Jinaqtaǵan tájiribeńiz Sizge jańa orynda tiimdi jumys isteýge septigi tietinine senimdimin», - dep atap ótti Medvedev óziniń quttyqtaý hatynda.
Resei premeri «Qazaqstan men Resei arasyndaǵy jalpy strategiialyq áriptestik pen odaqtastyqty odan ári nyǵaitý boiynsha belsendi ózara is-áreketke nietti ekenin atap ótti».
