Elbasy Resei Federatsiiasynyń Qaýipsizdik Keńesi tóraǵasynyń orynbasary Dmitrii Medvedevpen telefon arqyly sóilesti, dep habarlaidy "Ult aqparat" elbasy.kz-ke silteme jasap.
Dmitrii Medvedev Elbasyn mereitoiymen quttyqtap, zor densaýlyq, qajymas qairat jáne Qazaqstandy damytý boiynsha josparlaryn odan ári júzege asyra berýin tiledi.
Resei Qaýipsizdik Keńesi tóraǵasynyń orynbasary Nursultan Nazarbaevtyń Ult Kóshbasshysy mártebesi Qazaqstan men Resei arasyndaǵy kópjaqty yqpaldastyqty jáne integratsiialyq baǵyttaǵy sabaqtastyqty qamtamasyz etýge zor úles qosýǵa múmkindik beretinin atap ótti.
Elbasy Dmitrii Medvedevke jyly lebizderi úshin alǵysyn bildirdi jáne birlesken jumysty, onyń ishinde eki eldiń Qaýipsizdik keńesteri men bileýshi partiialary – «Nur Otan» men «Edinaia Rossiia» arqyly jalǵastyrýdyń mańyzdylyǵyn atap ótti.
Telefon arqyly sóilesýge Resei tarapy bastamashy boldy.
