Qazirge deiin EAEO alańynda ekonomikalyq komissiiasymen 8 joba maquldanyp úlgerdi, taǵy 20 jýyq joba qaralymda. Bul týraly RF premer-ministri Dmitrii Medvedev Almatyda ótip jatqan EAEO elderiniń tsifrlandyrý forýmynda aitty, dep habarlaidy Baq.kz agenttigi.
Ol jiyn barysynda, osyndai sharany jasap otyrǵany úshin Qazaqstandyq áriptesterine alǵys bildirdi.
"EAEO elderiniń tsifrlandyrý máselesin talqylaý dástúrli jiynǵa ainalyp otyr. Qazir óndiristik revoliýtsiia qarqyndy damyp jatyr, soǵan qarai barlyǵy aýysýda. Onyń ishinde jasandy intelekti, kólik tasymaly, kompiýter bar. EAEO múshe bes el ishinde dástúrli ekonomikadan tsifrly salaǵa aýysý júrip jatyr", - dedi ol.
Sonymen qatar ol, EAEO múshe elder birikeken tsifrlandyrý turǵysynda eńbektenip jatqanynyn aityp ótti.
"Áriptesterimizdiń barlyǵy tsifrlandyrý turǵysynda jumystar atqaryp jatqanyn aitty. Bizde osy birikken jumysymyzdyń irgetasyn qalaýǵa óz úlesimizdi qosyp jatyrmyz. Bul bizge jáne áriptesterimizge kómektesedi degen oidamyz. Bizge tsifrlandyrý turǵysynda "Jol kartasy" boiynsha 3-4 jobany iske qosý tur. Qazirge deiin EAEO alańynda ekonomikalyq komissiiamen 8 joba maquldanyp úlgerdi, taǵy 20 jýyq joba qaralymda. Onyń ekeýi tsifrlandyrý baǵytynda. Sondai-aq bilim berý, ǵylym, mádeniet pen týrizm baǵytynda jumys isteý óte mańyzdy bolyp otyr. Sonymen qatar, shaǵyn jáne orta biznes úshin birikken platforma qurý da kún tártibinde tur", - dedi ol.
Resei Úkimet basshysy sondai-aq, óz elinde tsifrlandyrý baǵdarlamasy ulttyq jobaǵa ainalyp otyrǵanyn jetkizdi.
"Ol barlyq júieniń komponentine ainalyp otyr. Tsifrlandyrýǵa bólingen qarajatqa kelsek, oǵan RF-da bes jyl ishinde 1 trln 800 mln rýbl bólindi. Bul qarajattyń jartysy federaldyq biýdjetten, qalǵany - biýdjetten tys. Tsifrly ekonomika degenimiz innovatsiiamen úzdiksiz jumys isteý degendi bildiredi. Sol úshin bizge EAEO aiasynda tsifrlandyrý úrdisin engizý mańyzdy. Bul bizdiń birigip jumys isteýimizdi jaqsarta túsedi", - dedi ol.
