Resei úkimetiniń basshysy Dmitrii Medvedev Almatydaǵy jer silkinisine qatysty ázildedi, dep habarlaidy "Ult aqparat" QazAqparatqa silteme jasap.
Búgin Eýraziialyq Úkimetaralyq keńestiń kezekti otyrysynda Dmitrii Medvedev Almatyda bolǵan jer silkinisin Qudaidyń jibergen belgisi dep ázildedi.
«Belarýs Respýblikasy úkimetiniń №666-shy qaýlysyna qatysty máseleni talqylaý ústinde jer silkindi. Árine, buǵan qatysty ártúrli nárseni oilaýǵa bolady. Belarýs eli úshin Qudaidyń belgisi (kúldi - red). Degenmen, barlyq qujattarymyzdy qarastyryp, barlyǵyna qol qoiyp sátti aiaqtadyq», - dedi Resei úkimetiniń basshysy Almatyda ótken jiyndy. Sondai-aq, ol jiyn barysynda EAEO-nyń biylǵy jylǵy strategiialyq mindetterine toqtaldy.
«Ekonomikalyq aýhal, odaq institýttaryn damytý boiynsha 2017 jyldy jalpy nátijeli boldy dep baǵalaimyz. EAEO aiasynda makroekonomikalyq kórsetkishterimiz sapaly deńgeide. Elderimiz arasyndaǵy taýar ainalymy boljam boiynsha 27 paiyzǵa ósti. Biyl Resei EAEK organdaryna tóraǵalyq etedi. Bizdiń jumys baǵyttarymyzdy 2018 jyldyń 18 qańtarynda Prezidentimiz (V.Pýtin - red) jariialady. Onda qysqasha aitqanda, Odaq aldynda turǵan strategiialyq mindetterdi júzege asyraý mańyzdy ekeni kórsetilgen. Ol úshin bizdiń naryqtaǵy kedergilerdi joiý qajet. Ol máseleni jańa shaǵyn toptyń otyrysynda talqyladyq. Taýar men qyzmet túrleriniń biryńǵai naryǵyn qurý qajet. 2017 jyly 10 kedergini joia aldyq. Áli de, biznes, keden, transport salasy boiynsha kedergiler bar. Sarapshylardyń kedergilerdi joiý toby belsendi jumysyn jalǵastyrýy qajet», - dedi D.Medvedev.
Sondai-aq, ol biylǵy jyldyń basynan bastap, Odaqtyń mańyzdy qujaty - jańa Keden kodeksi iske qosylǵanyn eske salyp, kodeks boiynsha mindetterdi tezirek aiaqtaýdy surady. Jiyn sońynda úkim basshylary EAEO-ǵa múshe memleketterdiń aýmaǵynda taýar ainalymyn baqylaýdy arttyrýǵa baǵyttalǵan EAEO-da taýarlardy sáikestendirý quraldarymen tańbalaý kelisimine qol qoidy.
