QR Densaýlyq saqtaý ministri Aleksei Tsoi aýrýhanada emdelip jatqan naýqastarǵa dári-dármek jetpei jatqany týraly áleýmettik jelide taraǵan videoǵa qatysty jaýap berdi, dep habarlaidy "Ult aqparat".
«Dostar, Facebook-ten Aida Boqaevanyń úndeýin kórdim. Áleýmettik jeli qoldanýshylary onyń bailanys nómirin berdi. Oǵan habarlastym», - dep jazdy Densaýlyq saqtaý ministri Facebook-tegi paraqshasynda.
Onyń aitýynsha, Aida Boqaeva birneshe ai boiy qoǵamdyq bastamalarǵa qatysyp, aýrýhanadaǵy dárigerlerge kómektesip, naýqastarǵa qamqor bolyp, eden jýyp, sýsyn ákeledi.
«Ol aýrýhanada dárigerler qalai erlikpen jumys istep júrgenin, sonai-aq jumys barysynda kezdesetin máseleler týraly da aitty. Mundaiǵa bei-jai qaramaityn adamdar maǵan halyqqa jaǵdai qalai bolyp jatqanyn kórsetý, emdeý boiynsha usynymdar jáne durystap kómek kórsetý týraly ótinishterin aitady. Biz meditsinalyq mekeme ishinde ne bolyp jatqanyn qaraityn adamdardan halyqtyq baqylaý quramyz dep kelistik. Bul jaǵdai qalai bolyp jatqanyn baǵalaý úshin, qalai kómektesýge bolatyny týraly usynym jasaý, dári-dármek jetkilikti me ekenin baqylaý, naýqastarǵa qalai qyzmet kórsetiletinin qaraý, basshylyq ujym men naýqastarǵa qalai kóńil bóletinin baqylaý úshin qajet», - deidi Aleksei Tsoi.
Sondai-aq, ol qajet bolǵan jaǵdaida, ásirese jemqorlyq jáne qaita satý sipatty jaǵdailar boiynsha qatań sharalar qoldanatynyn jetkizdi.
«Aida bul jumysty óz qolyna alyp, aimaqtardy aralaýǵa ázir ekenin bildirdi. Biz aimaqtar boiynsha osyndai jumysqa óz erkimen qatysýǵa daiyn meiirimdi jandardy izdeimiz. Ulttyq volonterler júiesi osy jobaǵa qatysýǵa niet bildirdi. Meditsinalyq mekemelerge kirýdi biz qamtamasyz etemiz. Sońynda jaǵdaidy jaqsartý boiynsha naqty sheshim qabyldaimyz.
Qazirgi ýaqytta qoǵam jaǵdaidy turaqtandyrý úshin bas biriktirdi jáne bul úlken úmit oiatady», - deidi ol.
