Áleýmettik meditsinalyq saqtandyrý qory naýryz-maýsym aralyǵynda koronavirýs infektsiiasyn diagnostikalaý úshin 300 myń PTsR-testileýge 3,4 mlrd teńge bóldi. 199,8 myń test - statsionarlarda jáne MSAK dárigerleriniń joldamasy boiynsha 97,9 myń test jasaldy, dep habarlaidy "Ult aqparat".
PTsR-testileý halyqqa qoljetimdi bolýy úshin qor zerthanasy bar 502 mekememen kelisim jasaldy.
Elimizde meditsinalyq alǵashqy kómek uiymdary janyndaǵy 2 myńnan astam mobildi brigada polimerazdy tizbekti reaktsiia (PTR) ádisimen testileý júrgizý úshin SOVID-19 kúdikti patsientten biologiialyq material alady.
Mamandardyń pikirinshe, bul halyqqa qyzmet kórsetý máselesin ýaqytyly sheshýge jáne onyń qoljetimdiligin arttyrýǵa múmkindik beredi.
QR Densaýlyq saqtaý ministrliginiń málimetinshe, zerthanalar sany 59-ge deiin artty. Nátijesinde qazir zerthanalar táýligine 32 myń test jasai alady, onyń ishinde sanitarlyq-epidemiologiialyq qyzmet jelisi - 23 zerthanaǵa, jeke meditsinalyq zerthanalar - 20 jáne meditsinalyq uiymdardaǵy zerthanalar - 16-ǵa jetti.
Meditsinalyq saqtandyrý qory halyqtyń qai toptarynda TMKKK jáne MÁMS qarajaty esebinen PTsR-testileýden tegin ótýge múmkindigi bar ekenin eske salady.
«Birinshi kezekte - infektsiialyq statsionarlarda jatqan patsientter. Diagnozdy rastap, emdeý algoritmin qoldaný úshin olar shuǵyl túrde tekserilýi kerek. Kelesi sanat - provizorlyq statsion ardaǵy COVID-ke kúdikti patsientter. Olarda belgili bir simptomdar bolady jáne diagnoz qoiý kerek. Sodan keiin JRVI jáne pnevmoniia simptomdary bar azamattar emdeýshi ýchaskelik dárigerdiń joldamasymen. Atalǵan topty testileý úshin qor emhanalarmen, otbasylyq ambýlatoriialarmen, al olar óz kezeginde zerthanalarmen shart jasasty. Sondai-aq, testileý karantin izoliatoryna jatqyzylǵan virýstyń simptomsyz tasymaldaýshylarǵa da jasalady» delingen qor habarlamasynda.
Budan basqa, josparly emdeýge jatqyzý kezinde patsientter de PTR-test tapsyrady, buǵan júkti áielder, shuǵyl emge jatqyzylatyn patsientter jatady.
Qor jetkizýshilerdiń aldynda kórsetilgen qyzmetterge aqy tóleý boiynsha óziniń barlyq mindettemelerin oryndady. Qyzmetterdi tóleý meditsinalyq aqparattyq júielerdiń kómegimen Densaýlyq saqtaý ministrligi bekitken tarif boiynsha júrgiziledi.
