Áleýmettik meditsinalyq saqtandyrý qory karantindik sharalarǵa bailanysty qazirgi shekteýlerdi eskere otyryp, azamattarǵa meditsinalyq qyzmetterdi qashyqtyqtan qalai alý kerektigin túsindirdi, dep "Ult aqparat" qordyń baspasóz qyzmetine silteme jasap.
Qordyń túsindirýinshe, salalyq meditsina mamanynyń keńes berýi, telemeditsina arqyly konsýltatsiia, sondai-aq rentgen sýrettin qaita qaraý, elektrokardiogrammany dekodtaý endi qashyqtyqtan qabyldaý kezinde de qoljetimdi.
Buryn qashyqtan keńes berý sozylmaly aýrýy bar naýqastardy (ýchaskelik jalpy praktika dárigeri, terapevt, pediatr) dinamikalyq baqylaý kezinde qoldanylǵan. Qashyqtan meditsinalyq qyzmet kórsetýdiń erekshelikteri 17 shildeden bastap kúshine engen Halyq densaýlyǵy jáne densaýlyq saqtaý júiesi týraly kodekste (129-bap) aiqyndalǵan.
Zamanaýi tehnologiia men ártúrli bailanys arnasynyń arqasynda meditsinalyq uiymdar patsientke qashyqtan qyzmet kórsete alady. Aldaǵy ýaqytta qashyqtan kórsetiletin qyzmet tizimi keńeitilmek.
Dárigerdiń onlain keńesin qalai alýǵa bolady?
1. Óz emhanańyzdyń Call-ortalyǵy arqyly nemese basqa bailanys arnalary, mobildi qosymsha arqyly dárigerdiń keńesine jazylý (bar bolsa).
2. Keńes berý kúni men ýaqytyn tańdańyz. Sonymen qatar, salalyq meditsina mamanynyń qabyldaýyna jazylý úshin aldymen ýchaskelik dárigerden joldama alý kerek, iaǵni eń aldymen terapevtke/JPD-ǵa qabyldaý úshin ótinish berý kerek.
3. Tańdalǵan bailanys arnasy arqyly mamannan belgilengen ýaqytta qońyraý (aýdio nemese video) kútińiz.
«Dárigerden keńes alý úshin emhanaǵa barýdyń qajeti joq. Ol naýqas qai jerde bolmasyn, qashyqtan qoljetimdi. Bul jaǵdaida dáriger dári-dármekterge retsept jaza alady. Eńbekke jaramsyzdyń paraǵyn, zerthanalyq zertteý nátijesin kórýge bolady. Iaǵni, osy qyzmetterdi alý úshin emhanaǵa kelýdiń qajeti joq», – delingen habarlamada.
Qor ókiliniń túsindirýinshe, qashyqtan meditsinalyq qyzmetter diagnostika, emdeý, meditsinalyq ońaltý jáne aýrý men jaraqatyń aldyn-alý, sandyq tehnologiia kómegimen zertteý júrgizý jáne baǵalaý úshin usynylady.
Bul rette ýchaskelik dárigerdiń qashyqtan keńes berýi MSAK meditsinalyq uiymdaryna jan basyna shaqqandaǵy normativ tólemi sheńberinde TMKKK tizbesine, al naqty kórsetilgen qyzmetter úshin (TMKKK boiynsha qyzmet kórsetiletin sozylmaly, áleýmettik máni bar jáne infektsiialyq aýrýlardan basqa) MÁMS sheńberinde salalyq meditsina mamandardyń konsýltatsiiasy kiredi.
Suraq bolǵan jaǵdaida azamattar qordyń Qoldau 24/7 mobildi qosymshasy arqyly júgine alady.
