Qazaqstanda meditsinalyq betperdeni eksporttaýǵa tyiym salyndy. Bul týraly QR Densaýlyq saqtaý ministrliginiń resmi ókili Dias Ahmetshárip aitty, dep habarlaidy "Ult aqparat".
«Osy jerde biz betperde óndirýshileri men distribiýterlerdiń ádepke sai emes minez-qulqyn atap ótkimiz keledi: olar qorlaryn Qytaiǵa satqan, osyǵan bailanysty Úkimet eksportqa tyiym salǵan. Otandyq óndirýshiler halyqtyń suranysyn qamtamasyz ete almai otyrǵandyǵyna bailanysty, shetel óndirýshilerinen betperde satyp alý qarastyrylýda», - deidi D.Ahmetshárip.
Sondai-aq, Densaýlyq saqtaý ministrligi JRVI bolmasa betperde kiiýdiń qajeti joq ekenin atap aitty.
«Eger denińiz saý bolsa, betperde kiiýdiń qajettiligi joq ekenin taǵy bir márte esterińizge salamyz», - deidi ol.
Eske sala ketsek, buǵan deiin Qytaidan kelgen qazaqstandyq jáne sheteldik azamattardan koronavirýs anyqtalmaǵany týraly habarlaǵan edik.
