Amerikalyq ǵalymdar Ýiliam Keilin, Greg Sementsa jáne britaniialyq ser Piter Redkliff meditsina salasy boiynsha Nobel syilyǵyn aldy. Olar Nobeldi adam jasýshasynyń aýa tapshylyǵyna beiimdelýin zerttegeni úshin aldy. Ǵalymdardyń bul jańalyǵy onkologiialyq aýrýlardy emdeýge kómektesedi.
Onkolog Ýiliam Keilin Djon Hopkins atyndaǵy ýniversitette (AQSh), Greg Sementsa Garvard ýniversitetinde, Piter Redkliff britaniialyq Oksford ýniversitetinde jumys isteidi.
Nobel syilyǵynyń biylǵy júldesi 9 million shved kronyn (900 myń dollar) quraidy. Bul qarjy úsh laýreatqa teń bólinedi.
Nobel syilyǵyn tapsyrý Shvetsiia astanasy Stokgolmde meditsina salasynan bastalady. Osy aptada fizika men himiia salasy boiynsha Nobel iegerleri anyqtalady. Al ádebiet salasy boiynsha Nobel iegerleri 10 qazanda jariialanady. Biyl ádebiet boiynsha syilyq eki adamǵa tabystalady. Byltyr jynystyq bopsalaý daýynan keiin ádebiet salasy boiynsha Nobel syilyǵy berilmegen.
Al 11 qazanda beibitshilik salasy boiynsha, 14 qazanda ekonomika boiynsha Nobel syilyǵynyń laýreattary jariialanady.
Meditsina salasy boiynsha Nobel syilyǵynyń iegerin Stokgolmdegi Karolin institýty, ádebiet salasy boiynsha shved akademiiasy, fizika, himiia jáne ekonomika salasyndaǵy syilyqty Shvetsiianyń ǵylym akademiiasy anyqtaidy.
Al syilyqty Norvegiianyń Oslo qalasyndaǵy Nobel komiteti tabystaidy.
