Meditsina qyzmetkerlerine ústemeaqylar jyl sońyna deiin tólenedi. Bul týraly búgin Densaýlyq saqtaý ministrliginiń alqa otyrysynda vedomstvo basshysy Aleksei Tsoi málim etti, dep habarlaidy "Ult aqparat".
Densaýlyq saqtaý ministrliginiń alqa otyrysynda Memleket basshysynyń biylǵy Joldaýynyń negizgi erejeleri talqylandy. Onyń ishinde, respýblikada koronavirýs infektsiiasynyń qaita taralý qaýpine daiyndyq; meditsinalyq uiymdarǵa dárilik zattar men meditsinalyq buiymdardy jetkizý; mindetti áleýmettik meditsinalyq saqtandyrýdy iske asyrý jáne elimizdegi ana ólimi boiynsha máseleler kóterildi.
Alqa otyrysyna Densaýlyq saqtaý ministrliginiń basshylyq quramy, óńirlerdiń, respýblikalyq mańyzy bar qalalardyń Densaýlyq saqtaý basqarmalarynyń basshylary, beiindi komitetter men meditsinalyq uiymdardyń aimaqtyq bólimsheleri qatysty.
«Densaýlyq saqtaýdy damytý strategiiasy Memleket basshysynyń biylǵy 1 qyrkúiektegi Qazaqstan halqyna Joldaýynda kórinis tapty. Onda Prezident koronavirýs indetine qarsy kúreste avangard retinde salaǵa erekshe nazar aýdardy. Pandemiia jaǵdaiynda dárigerler men sanitarlyq-epidemiologiialyq qyzmet mamandarynyń jumys nátijeleri tikelei áleýmettik mańyzǵa ie ekeni ataldy, tipti naqty adamdardyń ómiri ǵana emes, jalpy tutastai qoǵamnyń turaqtylyǵy da bailanysty. Sondyqtan meditsina qyzmetkerlerin áleýmettik qoldaý sharalary memlekettiń erekshe baqylaýynda», - dedi A.Tsoi.
2020 jyldyń naýryz aiynan bastap búgingi kúnge deiin meditsina qyzmetkerlerine 84,4 mlrd teńge somasynda yntalandyrý tólemderi berilgen. Ústemeaqylar jyl sońyna deiin tólenedi, buǵan 136,8 mlrd teńge somasynda qarajat bólindi.
Sonymen qatar, Memleket basshysy aǵymdaǵy jyldan bastap dárigerlerdiń jalaqysyn kezeń-kezeńimen kóterý jáne 2023 jylǵa qarai ekonomikadaǵy ortasha jalaqydan eki ese joǵary deńgeige jetkizý mindetin qoiǵan bolatyn.
«2021 jyly 247 myń meditsina qyzmetkeriniń jalaqysyn kóterýge 222,3 mlrd teńge, 2022 jyly – 361,7 mlrd teńge, 2023 jyly – 557,5 mlrd teńge kóleminde shyǵystar kózdelgen. Osylaisha, 2023 jyly dárigerlerdiń ortasha jalaqysy shamamen 561 myń teńgeni quraidy», - dedi A.Tsoi.
Aýyldyq jerlerdegi jas dárigerlerdi qoldaý úshin 2019 jyly 849 mamanǵa kóterme járdemaqy tólendi, 659 mamanǵa turǵyn úi usynyldy, 142 mamanǵa ózge de áleýmettik qoldaý sharalary kórsetildi. 2020 jyly praktikalyq densaýlyq saqtaý qajettiligine sáikes 2 327 jas maman jumysqa ornalastyryldy. Elimiz boiynsha dárigerlermen jalpy qamtamasyz etý 74 myńnan astam mamandy quraidy. SOVID-19-ǵa qarsy kúres boiynsha qajetti mamandarmen qamtamasyz etý 28 myńdy qurady.
Joldaýda atap kórsetilgen taǵy bir mańyzdy aspekt Qazaqstanda barlyq bazalyq dári-dármekter men meditsinalyq buiymdardy óndirý bolyp tabylady. Osy tapsyrmalardy iske asyrý sheńberinde Indýstriia jáne infraqurylymdyq damý ministrligi men Densaýlyq saqtaý ministrligi birlesip, farmatsevtikalyq ónerkásipti damytýdyń 2025 jylǵa deiingi keshendi josparyn ázirledi.
Densaýlyq saqtaýdyń zamanaýi, básekege qabiletti, qoljetimdi jáne tiimdi júiesin qurý úshin densaýlyq saqtaý infraqurylymyn damytýdy qamtamasyz etý qajet. Osy tapsyrmalardy oryndaý aiasynda óńirlerde 13 modýldik juqpaly aýrýlar aýrýhanasy salynýda, sondai-aq Óskemen jáne Taraz qalalarynda úsh nysanǵa jóndeý jumystary júrgizilýde.
Eldiń ǵylymi jáne meditsinalyq áleýetin shoǵyrlandyrý úshin 2023 jyldyń sońyna qarai qazirgi jáne yqtimal epidemiologiialyq qaýip-qaterlerge den qoiý úshin Nur-Sultan jáne Almaty qalalarynda árqaisysy 500 tósektik infektsiialyq aýrýlar boiynsha eki kópsalaly ǵylymi ortalyq salynady. 2025 jylǵa deiin tósek qoryn jańartýdyń 50% qamtamasyz etý úshin memlekettik-jekemenshik seriktestikter esebinen elimizdiń aimaqtarynda 20 iri zamanaýi meditsinalyq ortalyqtar qurylady. Bul halyqaralyq sapa talaptaryna sáikes halyqqa joǵary tehnologiialyq meditsinalyq kómektiń barlyq spektrin kórsetetin kópsalaly aýrýhanalar.
QR Prezidenti alǵashqy meditsinalyq-sanitarlyq kómekti uiymdastyrýdyń tásilderin túbegeili qaita qaraýdy tapsyrdy. Qazirgi kezde Ministrlik 2021-2023 jyldarǵa arnalǵan alǵashqy meditsinalyq-sanitarlyq kómek kórsetýdi jaqsartý boiynsha, onyń ishinde birinshi kezekte aýyl turǵyndaryna alǵashqy meditsinalyq-sanitarlyq kómektiń qol jetimdiligin arttyrý jónindegi sharalardy ázirlep jatyr.
Meditsinalyq kómektiń qol jetimdiligin arttyrý úshin aýyldyq eldi mekender úshin avtobýs negizindegi 100 jyljymaly meditsinalyq keshender satyp alynýda, onyń ishinde 25 qondyrǵy aimaqtarǵa jetkizildi. Sonymen qatar, aldaǵy úsh jylda aýyldyq eldi mekenderdi dárigerlik ambýlatoriialarmen jáne feldsherlik-akýsherlik pýnkttermen qamtamasyz etý josparlanyp otyr.
Alqa qorytyndysy boiynsha A.Tsoi Densaýlyq saqtaý ministrliginiń vedomstvolary men qurylymdyq bólimsheleriniń basshylaryna jalpyulttyq jospar sheńberinde atalǵan is-sharalardy oryndaý jóninde tapsyrma berdi.
