Meditsina qyzmetkerlerine tólem jasaýǵa basymdyq berilip otyr. QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev osylai málim etti, dep habarlaidy "Ult aqparat".
«Indetpen kúreste tikelei qatysqan densaýlyq saqtaý júiesiniń qyzmetkerlerine birjolǵy áleýmettik tólem tóleý máselesi Densaýlyq saqtaý ministrligi úshin basymdyq berilgen mindet bolyp otyr. Memleket basshysy qaitys bolǵan dárigerlerdiń otbasylaryna barlyq tiisti járdemaqylardy egjei-tegjeili tekserýsiz tóleýdi tapsyrdy. Sondai-aq qyzmet etý kezinde meditsina qyzmetkerleriniń aýyrǵanynyń barlyq rastalǵan jaǵdailary boiynsha tólem qysqa merzimde júzege asyrylýy júkteldi», - dedi Timýr Sultanǵaziev Ortalyq kommýnikatsiialar qyzmetinde.
Eske sala keteiik, Memleket basshysy Qasym-Jomart Toqaev koronavirýstan qaitys bolǵan dárigerdiń otbasyna tekserý júrgizilmesten tólemaqy berilýi kerektigin tapsyrdy.
Sonymen qatar Prezidennt meditsina qyzmetkerleri qyzmet barysynda aýrý juqtyryp alǵany dáleldengen jaǵdaida qysqa merzimniń ishinde tólemaqy múltiksiz tólenýi tiistigin basa aitty.
