Foto: QR STM
QR Sport jáne týrizm ministrligi 2025 jyldyń basynan bastap Qazaqstan quramasynyń olimpiadalyq, paralimpiadalyq, olimpiadalyq emes jáne ulttyq sport túrlerinnen halyqaralyq jarystarda qol jetkizgen tarihi jetistikteri men medaldar jiynyn usyndy, dep habarlaidy Ult.kz.
Paralimpiadalyq jáne sýrdlimpiadalyq sport
Qańtar-sáýir ailarynda para jáne sýrdo sportshylar 68 medal enshiledi - 30 altyn, 19 kúmis, 19 qola.
Bul tizimde Qazaqstan tarihynda tuńǵysh ret para biatlonynan álem kýbogynyń qorytyndysy boiynsha hrýstal globýstyń iegeri atanǵan Erbol Hamitovtyń jeńisin erekshe atap ótken jón. Oǵan deiin mundai nátijege tek Vladimir Smirnov 1994 jyly qol jetkizgen edi.
Olimpiadalyq sport túrleri
Olimpiadalyq sport túrleriniń ókilderi el qorjynyn 227 medalmen tolyqtyrdy, onyń ishinde:
— 189 medal jazǵy sport túrleri boiynsha (62 altyn, 66 kúmis, 62 qola)
— 38 medal qysqy sport túrleri boiynsha (8 altyn, 17 kúmis, 13 qola)
Basty oqiǵalardyń biri — Serbiiada ótken bokstan áielder arasyndaǵy álem chempionaty. Bul synda Nazym Qyzaibai Qazaqstan boksynyń tarihynda biregei jetistikke qol jetkizip, úsh dúrkin álem chempiony atandy.
Sondai-aq mańyzdy jetistikterdiń taǵy biri – Mihail Shaidorovtyń Bostonda ótken mánerlep syrǵanaýdan álem chempionatynda qol jetkizgen kúmis medali. Bul jetistik arqyly Qazaqstan Milan-2026 Olimpiadasyna joldama enshiledi.
Konkishi Evgenii Koshkin eki márte Álem kýbogynyń kezeńinde jeńimpaz atanyp, 100 metr qashyqtyqta beiresmi álemdik rekord ornatty.
Olimpiadalyq emes sport túrleri
Bul baǵyt boiynsha qazaqstandyq sportshylarlyń qorjynynda 50 medal bar — 31 altyn, 14 kúmis, 5 qola.
Ulttyq sport túrleri
Qazaqstan qurmasy tyńǵylyqty daiyndyqtyń nátijesinde Álem jáne Aziia chempionattarynda 47 (29 altyn,8 kúmis, 9 qola) medal enshiledi:
🔹Qazaq kúresi: 20 medal — 16 altyn, 2 kúmis, 2 qola
🔹Jamby atý: 5 medal — 1 altyn, 2 kúmis, 2 qola
🔹Dástúrli sadaq atý: 12 medal — 3 altyn, 3 kúmis, 6 qola
🔹Teńge ilý: 4 medal — 3 altyn, 1 kúmis
🔹Aýdaryspaq: 6 altyn - barlyq sanat boiynsha altyn júlde.
2025 jyldyń qańtar-sáýir aiy aralyǵyndaǵy jalpy qortyndy:
392 medal, onyń ishinde:
— 160 altyn
— 124 kúmis
— 108 qola
