© Sputnik / Ertai Sarbasov
Food Solutions KZ bas direktory Áset Mashanov Qazaqstanda McDonalds jelileriniń jabylýyna qatysty pikir bildirdi, dep habarlaidy QazAqparat agenttigi.
Búgin elordada Qairat Boranbaevqa qatysty sot otyrysy ótip jatyr. Onyń aiasynda BAQ ókilderi Áset Mashanovtan McDonalds jelileri jumysyn toqtatýynyń Boranbaevtyń ústinen qozǵalǵan qylmystyq ispen bailanysyn suraǵan edi.
«Meniń bilýimshe, eki oqiǵanyń arasynda eshqandai bailanys joq. Árine, bul jaily jahandyq McDonalds korporatsiiasynan suraǵan jón. Al jalpy bul iske qatysy shamaly», - dep jaýap berdi ol.
Sonymen qatar ol McDonalds-tyń Qazaqstanǵa oralý múmkindigine qatysty da pikir bildirdi.
«Kóptegen faktorǵa bailanysty. Bul saýalǵa naqty jaýap bere almaimyn. Óitkeni, ony jahandyq korporatsiia sheshedi. Oryn alǵan jait qazirgi geosaiasi ahýalǵa bailanysty. Ol sheshilgennen keiin jetkizilimniń burynǵy júiesi qalpyna keler bolsa, onda bul másele sheshilip qalar», - dedi Áset Mashanov.
Eske sala keteiik, buǵan deiin McDonald's jyldam tamaqtaný jelisi Qazaqstannan birjola ketetinin habarlaǵan edik. Brend qyzmetin toqtatqanymen, meiramhana basqa ataýmen jumysyn qaita bastaidy.
