Foto: pixabay.com
QR Cyrtqy ister ministrliginiń resmi ókili Aibek Smadiiarov McDonald’s kompaniiasynyń Qazaqstanda jumysyn toqtatýy eldiń imidjine keri áser etpeidi dep sanaidy. Bul týraly Sputnik Qazaqstan habarlady.
Syrtqy ister ministrliginde ótken apta saiynǵy brifingte jýrnalister McDonald’s-tiń naryqtan ketýi Qazaqstannyń álemdik arenadaǵy bedeline qalai áser etetinin surady.
Smadiiarov qoǵamdyq tamaqtanýǵa qatysty másele ministrliktiń quzyretine jatpaitynyn atap ótti.
"Eshbir jaǵdaida da áser etpeidi. Qandai kompaniia kelmesin, básekelestik bar, naryq bar. Naryq ózi retteidi. Bireý keledi, bireý ketedi. Qai jerde McDonald’s ketti eken dep Qazaqstannyń imidjine nuqsan keldi? Joq, álde eldiń bedeli McDonald’s arqyly baǵalana ma? Basqa da álemdik kompaniialar bar ǵoi", - dedi Smadiiarov.
5 qańtarda McDonald's kompaniiasy Qazaqstanda qyzmetin toqtatqany habarlandy. Endi McDonald’s brendimen jumys istegen "Food Solutions KZ" JShS jańa ataýmen ashylady.
