Foto: mcdonalds.kz
McDonald's fast-fýd jelisi et jetkizý máselesine bailanysty Qazaqstannan ketýge nietti. Bul týraly sársenbide Bloomberg málimdedi, - dep habarlaidy Massaget.kz portaly "Vedomosti" basylymyna silteme jasap.
Basylym málimetinshe, Resei naryǵynan ketkennen keiin McDonald's Qazaqstandaǵy franchaizilerine Reseidegi jetkizýshilerden kotletterge et satyp alýǵa tyiym salǵan.
2022 jylǵy qarashada Fod Solutions KZ JShS (McDonald's Kazakhstan) ieligindegi 24 fastfýd meiramhanasy jetkizý máselesine bailanysty jumysyn toqtatqan.
12 jeltoqsanda Respýblikanyń "Atameken" Ulttyq kásipkerler palatasy qazaqstandyq óndirýshilerdiń McDonald's ónimderin jetkizýge daiyn ekenin habarlady.
Degenmen, Bloomberg málimetinshe, Qazaqstandaǵy franchaizingter jergilikti nemese eýropalyq jetkizýshilerden et satyp ala almaǵan, óitkeni joǵary baǵalar men kólik quny biznesti shyǵynǵa ákeletin edi.
Sondai-aq, respýblikadaǵy jelilik máselelerdi McDonald's-tyń Qazaqstandaǵy franchaizingi Qairat Boranbaevtyń 2022 jylǵy 17 naýryzda kvazimemlekettik sektordaǵy qarjyny jymqyrdy degen aiyppen qamaýǵa alynýy da qiyndatqan.
