Foto: inform.kz
12 naýryzda Nurlan Ábdirovtiń tóraǵalyǵymen beinekonferentsiia bailanysy rejimi arqyly Qazaqstan Respýblikasy Ortalyq sailaý komissiiasynyń otyrysy ótti. Otyrysta Májilistiń taǵy bir depýtatynyń ókileti toqtatyldy, - dep habarlaidy Tengrinews.kz tilshisi.
Ortsailaýkom Tóraǵasy Nurlan Ábdirov, sondai-aq OSK músheleri Sábila Mustafina jáne Shavhat Ótemisov otyrysqa Aqmola oblysyndaǵy is-sapar barysynda qatysty.
Otyrysta Ortsailaýkom músheleri "Qazaqstan Respýblikasy Parlamenti Májilisiniń depýtaty Vladimir Imtahýnovich Tohtasýnovtyń ókilettigin toqtatýǵa ákeletin negizdiń týyndaǵany týraly" qaýly qabyldady.
"Konstitýtsiianyń 52-babyna, "Qazaqstan Respýblikasynyń Parlamenti jáne onyń depýtattarynyń mártebesi týraly" Konstitýtsiialyq zańnyń 24-baby 3 jáne 8-tarmaqtaryna sáikes Ortalyq sailaý komissiiasy Parlament Májilisiniń depýtaty Vladimir Tohtasýnovtyń ótinish berýine bailanysty onyń ókilettigin merziminen buryn toqtatýǵa ákeletin negiz týyndady dep qaýly etti", - delingen habarlamada.
Depýtat Tohtasýnovtyń ókilettigin merziminen buryn toqtatý týraly usynym Qazaqstan Respýblikasy Parlamentiniń Májilisine engizildi.
Eske salaiyq, buǵan deiin Májilistiń eki depýtaty Faizolla Kamenov pen Sergei Reshetnikov ókilettigin merziminen buryn toqtatqan bolatyn.
