Búgin Májilis Spikeri Nurlan Nyǵmatýlinniń tóraǵalyǵymen ótken Palatanyń Biýro otyrysynda aldaǵy sársenbide qaralatyn ózekti máseleler toptamasy talqylaýdan ótti.
Aita ketý kerek, jalpy otyrystyń kún tártibinde 20-ǵa jýyq másele qamtylyp otyr.
Atap aitar bolsaq, depýtattar nazaryna veterinariia, maqta salasyn damytýǵa qatysty máseleler birinshi oqylymda usynylady.
Sonymen birge, «Astyq týraly» Zańǵa tolyqtyrýlar engizilmek.
Al, ekinshi oqylymda qaralatyn zań jobalary qatarynda «Qazaqstan Respýblikasynyń Úkimeti týraly» Konstitýtsiialyq zań jobasyn, Memleket basshysynyń 2020 jylǵy 1 qyrkúiektegi «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýynyń jekelegen erejelerin iske asyrý, «Qazaqstan Respýblikasynyń Qylmystyq jáne Qylmystyq-protsestik kodeksterine qylmystyq protseste azamattardyń quqyqtaryn qorǵaýdy kúsheitý, jyljymaityn múlikke quqyqtardy jáne zańdy tulǵalardy memlekettik tirkeý, ekonomikalyq ósýdi qalpyna keltirý, ortalyq jáne jergilikti memlekettik organdar arasynda aýyzsýmen jabdyqtaýdy sýbsidiialaý jónindegi ókilettikterdiń arajigin ajyratý máselelerin airyqsha atap ótýge bolady.
Ratifikatsiialyq qujattar qatarynda Aziia Damý Bankimen Qaryz týraly kelisimdi (Jai operatsiialar) (COVID-19-ǵa qarsy kúres jónindegi belsendi sharalar men shyǵystardy qoldaý baǵdarlamasy, Aziia Infraqurylymdyq Investitsiialar Bankimen Qaryz týraly kelisimdi (COVID-19-ǵa qarsy kúres jónindegi belsendi sharalar men shyǵystardy qoldaý baǵdarlamasy), «1999 jylǵy 8 qazandaǵy Erkin saýda aimaǵyn qurý týraly kelisimge qatysýshy memleketterdiń arasynda tasymaldanatyn taýarlardy kedendik resimdeýdiń jáne kedendik baqylaýdyń tártibi týraly kelisimge bailanysty zań jobalary bar.
Sondai-aq aldaǵy jalpy otyrystyń kún tártibine balanyń quqyqtaryn qorǵaý boiynsha Zań jobasymen jumysty jalǵastyrý, «Salyq jáne biýdjetke tólenetin basqa da mindetti tólemder týraly» Kodekske (Salyq kodeksi) jáne «Salyq jáne biýdjetke tólenetin basqa da mindetti tólemder týraly» Kodeksti (Salyq kodeksi) qoldanysqa engizý týraly» Zań jobasyna Senat engizgen ózgeristerge qatysty máseleler engizilgen.
Taǵy bir másele ólim jazasynyń kúshin joiýǵa baǵyttalǵan Azamattyq jáne saiasi quqyqtar týraly halyqaralyq paktige ekinshi Fakýltativtik hattamany ratifikatsiialaý týraly qorytyndy ázirleý jóninde bolmaq.
