Balalardyń aman-esendigi – bul barlyq memlekettik organdardyń basty mindeti. Aqparat jáne qoǵamdyq damý ministrligi uiymdastyrǵan QR Prezidenti Joldaýy aiasyndaǵy áleýmettik basymdyqtardy talqylaýǵa arnalǵan dóńgelek ústel otyrysynda aityldy, dep habarlaidy "Ult aqparat".
«Búgin biz osynaý strategiialyq qujattyń «Otbasylyq-demografiialyq saladaǵy jańa saiasat týraly» atty mańyzdy baǵyttarynyń birin talqylamaqpyz. Tolyqtai alǵanda, Memleket basshysynyń bul saladaǵy jaǵdaiǵa qatysty jariia etken shynaiy málimetteri ókinishke orai, jyldan jylǵa nasharlap, ajyrasý sany, balalalarǵa qatysty zorlyq-zombylyq artyp, balasyz juptar sany ulǵaiyp otyr. Sondyqtan Prezident bul saladaǵy basty basymdyq retinde memlekettik deńgeide balalarǵa qamqorlyq dep belgilep berdi. Iaǵni, balalardyń amandyǵy – bul barlyq memlekettik organdardyń basty mindeti», - dedi ministr Prezident Joldaýyn talqylaýǵa arnalǵan onlain dóńgelek ústel otyrysynda.
Onyń atap ótýinshe, bul baǵytta memleket tarapynan naqty jumystar júrgizilip jatyr. Otbasylyq-genderlik saiasat tujyrymdamasy bekitilgen. Úkimet te tiimdi jospar qabyldap otyr. Onda naqtyindikatorlar, is-sharalar men josparlar kózdelgen.
«Aqparat jáne qoǵamdyq damý ministrligi óz kezeginde biyl reprodýktivti densaýlyqty saqtaý máseleleri boiynsha konsýltatsiialyq qyzmet kórsetý jónindegi granttyq jobalardy júzege asyrady. Búgin Májiliste otbasylyq-genderlik saiasat jáne turmystyq zorlyq-zombylyqqa qarsy is-qimyl máseleleri boiynsha zańnamany jetildirý jónindegi usynystar qyzý talqylandy», - dedi ol.
