بالالاردىڭ امان-ەسەندٸگٸ – بۇل بارلىق مەملەكەتتٸك ورگانداردىڭ باستى مٸندەتٸ. اقپارات جەنە قوعامدىق دامۋ مينيسترلٸگٸ ۇيىمداستىرعان قر پرەزيدەنتٸ جولداۋى اياسىنداعى ەلەۋمەتتٸك باسىمدىقتاردى تالقىلاۋعا ارنالعان دٶڭگەلەك ٷستەل وتىرىسىندا ايتىلدى, دەپ حابارلايدى "ۇلت اقپارات".
«بٷگٸن بٸز وسىناۋ ستراتەگييالىق قۇجاتتىڭ «وتباسىلىق-دەموگرافييالىق سالاداعى جاڭا ساياسات تۋرالى» اتتى ماڭىزدى باعىتتارىنىڭ بٸرٸن تالقىلاماقپىز. تولىقتاي العاندا, مەملەكەت باسشىسىنىڭ بۇل سالاداعى جاعدايعا قاتىستى جارييا ەتكەن شىنايى مەلٸمەتتەرٸ ٶكٸنٸشكە وراي, جىلدان جىلعا ناشارلاپ, اجىراسۋ سانى, بالالالارعا قاتىستى زورلىق-زومبىلىق ارتىپ, بالاسىز جۇپتار سانى ۇلعايىپ وتىر. سوندىقتان پرەزيدەنت بۇل سالاداعى باستى باسىمدىق رەتٸندە مەملەكەتتٸك دەڭگەيدە بالالارعا قامقورلىق دەپ بەلگٸلەپ بەردٸ. ياعني, بالالاردىڭ اماندىعى – بۇل بارلىق مەملەكەتتٸك ورگانداردىڭ باستى مٸندەتٸ», - دەدٸ مينيستر پرەزيدەنت جولداۋىن تالقىلاۋعا ارنالعان ونلاين دٶڭگەلەك ٷستەل وتىرىسىندا.
ونىڭ اتاپ ٶتۋٸنشە, بۇل باعىتتا مەملەكەت تاراپىنان ناقتى جۇمىستار جٷرگٸزٸلٸپ جاتىر. وتباسىلىق-گەندەرلٸك ساياسات تۇجىرىمداماسى بەكٸتٸلگەن. ٷكٸمەت تە تيٸمدٸ جوسپار قابىلداپ وتىر. وندا ناقتىينديكاتورلار, ٸس-شارالار مەن جوسپارلار كٶزدەلگەن.
«اقپارات جەنە قوعامدىق دامۋ مينيسترلٸگٸ ٶز كەزەگٸندە بيىل رەپرودۋكتيۆتٸ دەنساۋلىقتى ساقتاۋ مەسەلەلەرٸ بويىنشا كونسۋلتاتسييالىق قىزمەت كٶرسەتۋ جٶنٸندەگٸ گرانتتىق جوبالاردى جٷزەگە اسىرادى. بٷگٸن مەجٸلٸستە وتباسىلىق-گەندەرلٸك ساياسات جەنە تۇرمىستىق زورلىق-زومبىلىققا قارسى ٸس-قيمىل مەسەلەلەرٸ بويىنشا زاڭنامانى جەتٸلدٸرۋ جٶنٸندەگٸ ۇسىنىستار قىزۋ تالقىلاندى», - دەدٸ ول.
