Búgin Parlament Májilisiniń jalpy otyrysynda «Kaspii teńiziniń teńiz ortasyn qorǵaý jónindegi negizdemelik konventsiiaǵa qorshaǵan ortaǵa transshekaralyq turǵydan jasalatyn áserdi baǵalaý jónindegi hattamany ratifikatsiialaý týraly» zań jobasy maquldandy, dep habarlaidy QazAqparat.
«Qazaqstan Kaspii teńiziniń soltústik bóliginde ornalasqan. Mamandardyń paiymynsha, teńizdiń osy aimaǵy qorshaǵan orta turǵysynan keri áserlerge meilinshe sezimtal, osal bóligi bolyp esepteledi. Sondyqtan bul qujat elimiz úshin óte mańyzdy. Kaspii teńizinde kómirsýtegi shikizatynyń iri qorynyń bolýy osy sý basseiinindegi ekologiialyq ári biologiialyq resýrstaryn saqtaý máselesin ózekti etedi. Qorshaǵan ortany qorǵaý salasyndaǵy yntymaqtastyqty nyǵaitý maqsatynda Qazaqstan Negizdemelik konventsiiaǵa qatysty birqatar hattamalarǵa qol qoidy. Solardyń biri – Kaspii mańy memleketteri 2018 jylǵy 20 shildedegi Máskeýde qol qoiǵan qorshaǵan ortaǵa áserdi baǵalaý jónindegi hattama», - dedi Ekologiia, geologiia jáne tabiǵi resýrstar ministri Maǵzum Myrzaǵaliev.
Osy oraida ol bul transshekaralyq kontekstegi qujatty Ázerbaijan, Iran, Qazaqstan, Resei jáne Túrikmenstan qabyldaǵanyn eske saldy.
Sonymen qatar, osy hattamany retteýge jatatyn qyzmet túrleri anyqtaldy. Olar kelesidei: munai óńdeý zaýyttary, jylý qýaty 300 megavatt nemese odan joǵary jylý elektr stantsiialary men basqa da jaǵý qondyrǵylary, atom elektr stantsiialary, avtomobil joldaryn salý, rekonstrýktsiialaý jáne keńeitý.
«Konventsiia erejelerin iske asyrý úshin jańa Ekologiia kodeksinde transshekaralyq ekologiialyq áserdi retteý, olardy júzege asyrý tártibi, quqyqtary men mindetteri qarastyrylǵan. Qazaqstan transshekaralyq áserlerdi baǵalaýǵa qozǵalatyn tarap retinde qatyssa, onda shyǵý tarapynan kelip túsken qujattar ministrliktiń biryńǵai ekologiialyq portalynda (http://ecoportal.kz) ornalastyrylady. Óz kezeginde, múddeli memlekettik jáne jergilikti atqarýshy organdarǵa Qazaqstan Respýblikasynyń memlekettik organdarynyń elektrondyq qujat ainalymynyń biryńǵai júiesi arqyly jiberiledi. Al eger Qazaqstan transshekaralyq áserlerdiń shyǵý tarapy retinde qatyssa, onda qorshaǵan ortaǵa áserdi baǵalaý rásimi eldiń ishinde ǵana emes, sonymen qosa qozǵalatyn taraptar da qatar júrgiziledi. Mysaly, Kaspiide jańa obektiler salynǵan jaǵdaida qorshaǵan ortaǵa áserdi baǵalaý qujattary tiisti jergilikti atqarýshy jáne múddeli memlekettik organdarǵa, sondai-aq qozǵalatyn taraptarǵa qatar jiberiledi. Qozǵalatyn taraptardyń organdarymen konsýltatsiialardy eskere otyryp, qorshaǵan ortaǵa áserdi baǵalaýdy ótkizý merzimi shamamen 6 aidy (180 kún) quraidy. Bul Qorshaǵan ortaǵa áserdi baǵalaý hattamasynda jáne Ekologiia Kodeksiniń 81-babynyń 7-tarmaǵynda aiqyndalǵan», - dedi ministr.
Onyń sózine qaraǵanda, qoǵamdyq tyńdaýlarda kóterilgen máseleler boiynsha túpkilikti sheshimdi qorshaǵan ortany qorǵaý salasyndaǵy ýákiletti organ qabyldaidy.
«Hattamany ratifikatsiialaý teris áleýmettik-ekonomikalyq, quqyqtyq, ekologiialyq saldarǵa ákep soqtyrmaidy. Respýblikalyq biýdjetten qosymsha qarjylyq shyǵyndardy qajet etpeidi», - dedi vedomstvo basshysy.
