بٷگٸن پارلامەنت مەجٸلٸسٸنٸڭ جالپى وتىرىسىندا «كاسپيي تەڭٸزٸنٸڭ تەڭٸز ورتاسىن قورعاۋ جٶنٸندەگٸ نەگٸزدەمەلٸك كونۆەنتسيياعا قورشاعان ورتاعا ترانسشەكارالىق تۇرعىدان جاسالاتىن ەسەردٸ باعالاۋ جٶنٸندەگٸ حاتتامانى راتيفيكاتسييالاۋ تۋرالى» زاڭ جوباسى ماقۇلداندى, دەپ حابارلايدى قازاقپارات.
«قازاقستان كاسپيي تەڭٸزٸنٸڭ سولتٷستٸك بٶلٸگٸندە ورنالاسقان. مامانداردىڭ پايىمىنشا, تەڭٸزدٸڭ وسى ايماعى قورشاعان ورتا تۇرعىسىنان كەرٸ ەسەرلەرگە مەيلٸنشە سەزٸمتال, وسال بٶلٸگٸ بولىپ ەسەپتەلەدٸ. سوندىقتان بۇل قۇجات ەلٸمٸز ٷشٸن ٶتە ماڭىزدى. كاسپيي تەڭٸزٸندە كٶمٸرسۋتەگٸ شيكٸزاتىنىڭ ٸرٸ قورىنىڭ بولۋى وسى سۋ باسسەيٸنٸندەگٸ ەكولوگييالىق ەرٸ بيولوگييالىق رەسۋرستارىن ساقتاۋ مەسەلەسٸن ٶزەكتٸ ەتەدٸ. قورشاعان ورتانى قورعاۋ سالاسىنداعى ىنتىماقتاستىقتى نىعايتۋ ماقساتىندا قازاقستان نەگٸزدەمەلٸك كونۆەنتسيياعا قاتىستى بٸرقاتار حاتتامالارعا قول قويدى. سولاردىڭ بٸرٸ – كاسپيي ماڭى مەملەكەتتەرٸ 2018 جىلعى 20 شٸلدەدەگٸ مەسكەۋدە قول قويعان قورشاعان ورتاعا ەسەردٸ باعالاۋ جٶنٸندەگٸ حاتتاما», - دەدٸ ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ.
وسى ورايدا ول بۇل ترانسشەكارالىق كونتەكستەگٸ قۇجاتتى ەزەربايجان, يران, قازاقستان, رەسەي جەنە تٷرٸكمەنستان قابىلداعانىن ەسكە سالدى.
سونىمەن قاتار, وسى حاتتامانى رەتتەۋگە جاتاتىن قىزمەت تٷرلەرٸ انىقتالدى. ولار كەلەسٸدەي: مۇناي ٶڭدەۋ زاۋىتتارى, جىلۋ قۋاتى 300 مەگاۆاتت نەمەسە ودان جوعارى جىلۋ ەلەكتر ستانتسييالارى مەن باسقا دا جاعۋ قوندىرعىلارى, اتوم ەلەكتر ستانتسييالارى, اۆتوموبيل جولدارىن سالۋ, رەكونسترۋكتسييالاۋ جەنە كەڭەيتۋ.
«كونۆەنتسييا ەرەجەلەرٸن ٸسكە اسىرۋ ٷشٸن جاڭا ەكولوگييا كودەكسٸندە ترانسشەكارالىق ەكولوگييالىق ەسەردٸ رەتتەۋ, ولاردى جٷزەگە اسىرۋ تەرتٸبٸ, قۇقىقتارى مەن مٸندەتتەرٸ قاراستىرىلعان. قازاقستان ترانسشەكارالىق ەسەرلەردٸ باعالاۋعا قوزعالاتىن تاراپ رەتٸندە قاتىسسا, وندا شىعۋ تاراپىنان كەلٸپ تٷسكەن قۇجاتتار مينيسترلٸكتٸڭ بٸرىڭعاي ەكولوگييالىق پورتالىندا (http://ecoportal.kz) ورنالاستىرىلادى. ٶز كەزەگٸندە, مٷددەلٸ مەملەكەتتٸك جەنە جەرگٸلٸكتٸ اتقارۋشى ورگاندارعا قازاقستان رەسپۋبليكاسىنىڭ مەملەكەتتٸك ورگاندارىنىڭ ەلەكتروندىق قۇجات اينالىمىنىڭ بٸرىڭعاي جٷيەسٸ ارقىلى جٸبەرٸلەدٸ. ال ەگەر قازاقستان ترانسشەكارالىق ەسەرلەردٸڭ شىعۋ تاراپى رەتٸندە قاتىسسا, وندا قورشاعان ورتاعا ەسەردٸ باعالاۋ رەسٸمٸ ەلدٸڭ ٸشٸندە عانا ەمەس, سونىمەن قوسا قوزعالاتىن تاراپتار دا قاتار جٷرگٸزٸلەدٸ. مىسالى, كاسپييدە جاڭا وبەكتٸلەر سالىنعان جاعدايدا قورشاعان ورتاعا ەسەردٸ باعالاۋ قۇجاتتارى تيٸستٸ جەرگٸلٸكتٸ اتقارۋشى جەنە مٷددەلٸ مەملەكەتتٸك ورگاندارعا, سونداي-اق قوزعالاتىن تاراپتارعا قاتار جٸبەرٸلەدٸ. قوزعالاتىن تاراپتاردىڭ ورگاندارىمەن كونسۋلتاتسييالاردى ەسكەرە وتىرىپ, قورشاعان ورتاعا ەسەردٸ باعالاۋدى ٶتكٸزۋ مەرزٸمٸ شامامەن 6 ايدى (180 كٷن) قۇرايدى. بۇل قورشاعان ورتاعا ەسەردٸ باعالاۋ حاتتاماسىندا جەنە ەكولوگييا كودەكسٸنٸڭ 81-بابىنىڭ 7-تارماعىندا ايقىندالعان», - دەدٸ مينيستر.
ونىڭ سٶزٸنە قاراعاندا, قوعامدىق تىڭداۋلاردا كٶتەرٸلگەن مەسەلەلەر بويىنشا تٷپكٸلٸكتٸ شەشٸمدٸ قورشاعان ورتانى قورعاۋ سالاسىنداعى ۋەكٸلەتتٸ ورگان قابىلدايدى.
«حاتتامانى راتيفيكاتسييالاۋ تەرٸس ەلەۋمەتتٸك-ەكونوميكالىق, قۇقىقتىق, ەكولوگييالىق سالدارعا ەكەپ سوقتىرمايدى. رەسپۋبليكالىق بيۋدجەتتەن قوسىمشا قارجىلىق شىعىنداردى قاجەت ەتپەيدٸ», - دەدٸ ۆەدومستۆو باسشىسى.
