Parlament Májilisiniń jalpy otyrysynda «2017 jylǵy 11 sáýirdegi Eýraziialyq ekonomikalyq odaqtyń Keden kodeksi týraly shartqa ózgerister engizý týraly hattamany ratifikatsiialaý týraly» zań jobasy maquldandy, dep habarlaidy "Ult aqparat".
«Armeniia Respýblikasyndaǵy zańnamalyq ózgeristerge bailanysty Armeniia Respýblikasy shartqa ózgerister engizý týraly máselege bastamashylyq jasady. Túzetýler laýazymdy tulǵalar tizbesi boiynsha kedendik jete tekserýge qatysty. Bul laýazymdy tulǵalar ataýlarynyń zańnamalyq ózgeristerine bailanysty», - dedi QR Ulttyq ekonomika ministri Rýslan Dálenov.
«Halyqaralyq sharttar týraly» zańǵa sáikes Hattama ratifikatsiialaýǵa jatady.
«Hattamany ratifikatsiialaý teris áleýmettik-ekonomikalyq jáne quqyqtyq saldarǵa ákep soqtyrmaidy», - dedi ministr.
Qaralyp otyrǵan 2017 jylǵy 11 sáýirdegi Eýraziialyq ekonomikalyq odaqtyń Keden kodeksi týraly shartqa ózgerister engizý týraly hattamaǵa 2019 jylǵy 29 mamyrda Nur-Sultan qalasynda qol qoiyldy.
Hattama Eýraziialyq ekonomikalyq odaqtyń Keden kodeksine múshe memleketter úkimetteriniń basshylaryna, Armeniia Respýblikasy Premer-Ministri Ákimshiliginiń basshysyna, sondai-aq Armeniia Respýblikasy Premer-Ministri kúzet qyzmetiniń bastyǵyna qatysty keden organdarynyń kedendik baqylaýdyń belgili bir nysandaryn qoldanýdan bosatýdy belgileý bóliginde ózgerister engizýdi kózdeidi. Armeniia Respýblikasynyń jańa Konstitýtsiiasynyń qabyldanýyna bailanysty bul máselege Armeniia Respýblikasy 2017 jylǵy 22 tamyzda komissiia keńesiniń otyrysynda bastamashylyq etti.
