Parlament Májilisiniń jalpy otyrysynda «Qazaqstan Respýblikasynyń sot júiesi men sýdialarynyń mártebesi týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly» Qazaqstan Respýblikasy Konstitýtsiialyq zań jobasy ekinshi oqylymda maquldandy, dep habarlaidy QazAqparat.
Zań jobasynda Joǵarǵy Sottyń jumys istep turǵan mamandandyrylǵan sot alqasyn taratý jáne ákimshilik ister boiynsha sot alqasyn qurý usynylady. Oblystyq sottarda da tiisti sot alqalary qurylatyn bolady, bul óńirlerde isterdi bólýge bailanysty únemi ózgerip otyratyn jaǵdaiǵa ýaqtyly den qoiýǵa múmkindik beredi. Zań jobasynda usynylyp otyrǵan normalar ákimshilik ádiletti engizýdiń bastapqy kezeńinde júktemeni teń bólýge, sondai-aq Ákimshilik quqyq buzýshylyqtar men jariia daýlar týraly isterdi qaraý jónindegi sot praktikasynyń arajigin ajyratýǵa múmkindik beredi», - dedi depýtat Qanat Mýsin.
Onyń aitýynsha, zań jobasymen Joǵarǵy Sot tóraǵasy, sondai-aq Joǵarǵy Sot sýdialary laýazymyna úmitkerlerge qoiylatyn talaptarǵa qatysty ózgerister engiziledi. Bul túzetýler eldiń Joǵary Sot organyna mamandandyrylǵan quqyq salalarynda mol tájiribesi bar tájiribeli zańgerlerdi tartýǵa baǵyttalǵan. Bul sharalar neǵurlym daýly ister boiynsha sot tóreliginiń sapasyn arttyrady jáne búkil sot júiesine oń áserin tigizedi.
«Osy túzetýlerdiń Memleket basshysy usynǵan úmitkerlerge ǵana qatysty ekenin jáne basqa sýdialarǵa qoldanylmaitynyn atap ótý qajet. Zań jobasyn jumys toby aiasynda talqylaý kezinde quqyqtyq olqylyqtardy boldyrmaý, zań jobasynyń normalaryn bir-birine jáne Qazaqstan Respýblikasynyń basqa da zańnamalyq aktilerine sáikes keltirý maqsatynda redaktsiialyq, naqtylaý sipattaǵy túzetýler engizildi», - dedi depýtat.
Eske sala keteiik, atalǵan qujat biyl 17 aqpanda Májilistiń jalpy otyrysynda birinshi oqylymda maquldanǵan edi.
