Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine jer qatynastaryn damytý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy "Ult aqparat".
2016 jyly Memleket basshysynyń Jarlyǵymen Jer kodeksiniń jekelegen baptarynyń qoldanysyna moratorii engizilgeni belgili. Bul moratorii 2021 jyly 31 jeltoqsanda aiaqtalady. Sheteldikter bailanysty moratorii normalaryna keletin bolsaq, Memleket basshysy túpkilikti saiasi sheshim qabyldady. Atap aitqanda, 2021 jyly 13 mamyrda aýyl sharýashylyǵy jerlerin sheteldikterge, sheteldik zańdy tulǵalarǵa berýge jáne satýǵa tolyq tyiym salýdy kózdeitin Qazaqstan Respýblikasynyń tiisti Zańy qabyldandy.
«Qazaqstandyqtarǵa qatysty moratorii normalary boiynsha, sondai-aq jer zańnamasyn jetildirý maqsatynda Memleket basshysy Ulttyq qoǵamdyq senim keńesiniń besinshi otyrysynda Jer reformasy boiynsha komissiia qurýdy tapsyrdy. Barlyǵy Jer komissiiasynyń quramyna 80 adam kirdi, olardyń 75 paiyzy azamattyq qoǵam ókilderi jáne táýelsiz sarapshylar boldy», - dedi QR Aýyl sharýashylyǵy birinshi vitse-ministri Aidarbek Saparov.
Jer reformasy jónindegi komissiia biylǵy 25 naýryzda jumysqa kirisip, 24 sáýirde jumysyn aiaqtady. Komissiianyń 5 otyrysy ótkizilip, onda 120-dan astam usynys kóterilip, jer zańnamasyn jetildirýga bailanysty birqatar júieli usynymdar ázirlendi. Jer reformasy jónindegi komissiianyń usynystaryn iske asyrý maqsatynda «Qazaqstan Respýblikasynyń keibir zańnamalyq aktilerine jer qatynastaryn damytý máseleleri boiynsha ózgerister men tolyqtyrýlar engizý týraly» zań jobasy daiyndaldy.
Zań jobasynyń negizgi ózgeristeri men tolyqtyrýlary:
- qazaqstandyqtarǵa jáne qazaqstandyq zańdy tulǵalarǵa aýyl sharýashylyǵy maqsatyndaǵy jerlerdi 49 jylǵa deiingi merzimge jalǵa berý;
- kelesi, jalǵa alý merzimi aiaqtalǵan kezde ony jańa merzimge uzartý quqyǵyn berý;
- memleketten satyp almai, jer paidalanýshylar arasynda aýyl sharýashylyǵy maqsatyndaǵy jerge jaldaý quqyǵyn ielikten shyǵarý. Bul rette, olardy paidalaný merzimi keminde 5 jyl, sondai-aq jer qatynastary organdaryn habarlaý mindetti shart bolyp sanalady;
- Jer resýrstaryn basqarý komitetine jerdi paidalaný men qorǵaýdy memlekettik baqylaý fýnktsiialaryn ákimdikterden qaitarý;
- jer úlesteri esebinen quralǵan aýyl sharýashylyǵy maqsatyndaǵy jer ýchaskesin kepilge salý kezinde úles ieleriniń kelisimi bolǵanda ruqsat berý;
- aýyl sharýashylyǵy jerleriniń nysanaly maqsatyn «baǵbandyq» jáne «saiajai qurylysyna» ózgertýge tyiym salý;
- jer berý komissiiasynyń hattamalyq sheshimine shaǵymdaný merzimin belgileý boiynsha normalardy naqtylaý;
- halyqtyń muqtajyn qanaǵattandyrý maqsatynda, jergilikti jaǵdailardy eskere otyryp, jaiylymdardy basqarý jónindegi josparlarda, qajetti jaiylym alqabynyń shekarasyn aiqyndaý;
- berilgen aýyl sharýashylyǵy maqsatyndaǵy jer ýchaskeleri týraly málimetterdi memlekettik jer kadastrynyń internet - resýrsynda ashyq túrde ornalastyrý;
- aýyl sharýashylyǵy maqsatyndaǵy jerlerdi jeke menshikke berýge moratoriidiń qoldanylý merzimin 2026 jylǵy 31 jeltoqsanǵa deiin uzartý.
«Ázirlengen zań jobasyn qabyldaý nátijesinde mynadai oń áleýmettik-ekonomikalyq saldar kútiledi: jalǵa alynǵan aýyl sharýashylyǵy maqsatyndaǵy jerlerdi ekonomikalyq ainalymǵa tartý, jergilikti halyqtyń jaiylymdyq jerlerge qajettiligin qanaǵattandyrý, aýyl sharýashylyǵy jerleriniń nysanaly maqsatyn ózgertýge qoiylatyn talaptardy jáne jerdi paidalaný men qorǵaýǵa baqylaýdy kúsheitý, sondai-aq aýyl sharýashylyǵy maqsatyndaǵy jer ýchaskeleri boiynsha aqparattyń ashyqtyǵy. Árine, jer zańnamasyna talqylanǵan túzetýlerdi qabyldaý agroónerkásiptik keshendi turaqty damytýdyń biri bolyp otyr. Óitkeni jer máseleleri - aýyl sharýashylyǵy ekonomikasyn damytýdyń negizgi faktorlary. Sonymen, el Prezidenti Úkimet aldyna birqatar naqty ári mańyzdy mindetter qoidy, olardy biz agroónerkásiptik keshendi damytýdyń 10 jylǵa arnalǵan uzaq merzimdi kontseptsiiasyn jáne agroónerkásiptik keshendi damytý jónindegi 2021-2025 jyldarǵa arnalǵan ulttyq jobany qabyldaýmen iske asyrýdy josparlap otyrmyz», - dedi Aidarbek Saparov.
