Búgin QR Parlamenti Májilisiniń jalpy otyrysynda tótenshe jaǵdai kezeńinde memlekettik basqarýdyń jumys isteý mehanizmin belgileitin zań jobasy maquldandy, dep habarlaidy QazAqparat.
Qujat «Áleýmettik-ekonomikalyq turaqtylyqty qamtamasyz etý jónindegi sharalar týraly» 2020 jylǵy 16 naýryzdaǵy Memleket basshysynyń Jarlyǵyn oryndaý maqsatynda ázirlendi. Zań jobasynyń maqsaty áleýmettik-ekonomikalyq turaqtylyqty qamtamasyz etý úshin tótenshe jaǵdai kezeńinde jedel sharalar qabyldaý múmkindigi bolyp sanalady.
Zań jobasy boiynsha qosymsha baiandama jasaǵan Ekonomikalyq reforma jáne óńirlik damý komitetiniń tóraǵasy Nurtai Sabilianovtyń aitýynsha, qaralyp otyrǵan qujat tótenshe jaǵdai kezeńinde azamattardyń qaýipsizdigin, QR-nyń Konstitýtsiialyq qurylysyn qorǵaýdy qamtamasyz etý úshin jedel sharalar qabyldaý maqsatynda ázirlendi.
«Zań jobasymen QR tótenshe jaǵdailar týraly jáne quqyqtyq aktiler týraly Zańdaryna ózgerister engizý kózdeledi. Atalǵan Zańdar áleýmettik-ekonomikalyq salada tótenshe jaǵdai engizý kezinde qoldanylatyn negizgi sharalar men ýaqytsha shekteýler boiynsha normalarmen tolyqtyrylyp otyr. Osyǵan orai QR Prezidentiniń normativtik-quqyqtyq aktileri negizinde áleýmettik-ekonomikalyq salalarda belgili bir merzimge zańnamanyń qoldanylý erekshelikteri belgilenýi múmkin. Olar eldegi áleýmettik-ekonomikalyq turaqtylyqty saqtaýǵa jáne tótenshe jaǵdailardyń teris saldarynyń aldyn alýǵa múmkindik beredi», - dedi Májilis depýtaty.
Qujat tótenshe jaǵdai kezeńinde zańnamanyń jekelegen salalarynyń qoldanylý erekshelikterimen tolyqtyrylady.
Zań jobasynda olarǵa 14 sala jatqyzylady: salyqtyq, biýdjettik, keden, banktik, eńbek, monopoliiaǵa qarsy zańnama; densaýlyq, memlekettik satyp alý, valiýtalyq retteý týraly zańnama; áleýmettik qorǵaý, memlekettik múlik, memlekettik baqylaý jáne qadaǵalaý salasynda; sondai-aq eldiń halyqaralyq mindettemelerin iske asyrý.
Zań jobasyn Májilis depýtattary tolyqtai qoldady. Qujat Senatqa joldanady.
