QR Parlamenti Májilisiniń tóraǵasy Nurlan Nyǵmatýlin Astanada ótip jatqan «Investitsiia - Jastarǵa!» halyqaralyq konferentsiiasy aiasynda Halyqtyń qonystanýy jáne damýy boiynsha Aziialyq qaýymdastyǵynyń tóraǵasy, Japoniianyń burynǵy Premer-ministri Iasýo Fýkýda bastaǵan delegatsiia ókilderimen kezdesti. Bul týraly Májilistiń baspasóz qyzmeti habarlady.
N. Nyǵmatýlin mártebeli meimanǵa mańyzdy jiynǵa qatysyp, mazmundy baiandama jasaǵany úshin alǵysyn jetkizdi. Sondai-aq osy konferentsiiada aitylǵan pikirler, ázirlengen usynymdar qatysýshy elderdiń aldaǵy birlesken jumysyna serpin beretinine senim bildirdi.
Palata spikeri atap ótkendei, Qazaqstan Parlamenti Halyqtyń qonystanýy jáne damýy jónindegi Aziia parlamentariileri forýmy jumysyna belsene qatysady. «Investitsiia - Jastarǵa!» konferentsiiasy osy birlesken jumystyń nátijesi.
Áńgime barysynda jastar máselesine airyqsha nazar aýdaryldy.
N. Nyǵmatýlinniń sózinshe, Qazaqstan Prezidenti Nursultan Nazarbaev árbir Joldaýynda, árbir mańyzdy bastamalarda eń aldymen, jastar máselesine basymdyq beredi. Bul memlekettik saiasattyń mańyzdy bóligi.
Óz kezeginde Iasýo Fýkýda myrza Qazaqstandaǵy jastar saiasatyn erekshe qoldaitynyn, olar el damýynyń irgetasy bola alatynyn aitty. Jáne bizdiń elimizde jastardy jan-jaqty qoldaýdyń múmkindigi zor ekenin alǵa tartyp, osy salada yntymaqtastyqty damytýǵa degen ynta-yqylasyn bildirdi.
Odan ári taraptar ekijaqty qarym-qatynasty, sonyń ishinde, parlamentaralyq bailanysty nyǵaitý jaiyn sóz etti.
Aita ketsek, biyl eki el arasynda diplomatiialyq qatynastyń ornaǵanyna 25 jyl toldy. Osy ýaqyttar ishinde Astana men Tokio bir-birine únemi qoldaý kórsetip keledi.
Májilis tóraǵasynyń aitýynsha, iadrolyq qarýsyzdaný jáne taratpaý, atom energiiasyn beibit maqsatta paidalaný basqa da halyqaralyq ózekti máseleler boiynsha bizdiń elderimizdiń ustanymy óte jaqyn.
Osy rette Ia. Fýkýda Qazaqstan Prezidentiniń halyqaralyq bastamalaryn erekshe baǵalaitynyn jáne bizdiń elimizdiń joǵary damý deńgeiine jetýinde Memleket basshysynyń róli zor ekenine toqtaldy.
Kezdesý ieleri barlyq salada yqpaldastyqty kúsheitý joldaryn talqylai kelip, ortaq maqsat jolynda birlese atqarǵan jumystar bizdiń elderimizdiń ózara tiimdi jáne kópqyrly áriptestigin tereńdetetinine senim bildirdi.
Sondai-aq, osy konferentsiia aiasynda Májilis tóraǵasy Nurlan Nyǵmatýlin Qyrǵyz Respýblikasy Jogorký Keneshi tóraǵasynyń orynbasary Mirlan Bakirov, sonymen birge, Ózbekstan Olii Majlisi Zań shyǵarýshy palatasy tóraǵasynyń orynbasary Borii Alihanov bastaǵan delegatsiia ókilderin qabyldap, elder arasyndaǵy qarym-qatynasty damytýdyń ózekti máselelerin ortaǵa saldy.
