Májilis tóraǵasy Erlan Qoshanov aldaǵy prezident sailaýyna qatyspaitynyn málimdedi, dep habarlaidy Sputnik Qazaqstan.
Májilis kýlýarynda jýrnalister Qoshanovtan aldaǵy ýaqytta Amanat partiiasynan prezident sailaýyna túsesiz be dep surady.
"Qarastyryp ta, josparlap ta otyrǵan joqpyn. Josparymda da, oiymda da joq", - dep jaýap berdi Qoshanov.
Sondai-aq ol taiaýda Amanat partiiasynyń óńirlik filialdarymen jinalys ótetinin, ol jerde partiianyń aldaǵy josparlary talqylanatynyn atap ótti.
Budan bólek, BAQ ókilderi "eki laýazymdy qatar atqarý ádiletsizdik emes pe?" dep surady.
"Meniń oiymsha, eshqandai ádiletsizdik joq. Zańnamalyq qaishylyqtar joq, quqyqtyq kolliziialar joq. Men májilis tóraǵasy jáne partiia tóraǵasy qyzmetterin zańdy túrde atqaramyn. Bul partiialastarymnyń maǵan artqan senimi", - dedi Májilis spikeri.
Eske salsaq, keshe, 26 sáýirde Memleket basshysy Qasym-Jomart Amanat partiiasynyń tóraǵasy retinde ókilettigin toqtatty. Endi partiiany Májilis spikeri Erlan Qoshanov basqarady.
