Májilis tóraǵasy Nurlan Nyǵmatýlin Qyrǵyzstannyń Qazaqstandaǵy Tótenshe jáne Ókiletti elshisi Jeenbek Kýlýbaevty qabyldady. Bul týraly "Ult aqparat" Májilistiń baspasóz qyzmetine silteme jasap habarlaidy.
Taraptar eki el arasyndaǵy yntymaqtastyqty damytýdyń ózekti suraqtaryn talqylady.
Májilis Spikeriniń pikirinshe, bizdiń elderimiz Prezidentteri Nursultan Nazarbaev pen Sooronbai Jeenbekovtiń ózara túsinistik pen dostyqqa negizdelgen, birlesken jumystarynyń nátijesinde búginde ekijaqty jáne kóp qyrly yqpaldastyqty nyǵaitýdyń joǵarǵy kórsetkishterine qol jetkizildi.
Aldaǵy ýaqytta da Qazaqstan úshin baýyrlastyq, strategiialyq áriptestikti odan ári tereńdetý mańyzdy bolyp qala bermek.
Osy rette N. Nyǵmatýlin eki el ratifikatsiialaǵan qazaq-qyrǵyz memlekettik shekarasyn shegendeý týraly Shart ózara senim men tatýkórshilik qatynasty nyǵaitýǵa jol ashatynyn atap ótti.
Óz kezeginde, Qyrǵyz elshisi qos memleket Kóshbasshylarynyń syndarly saiasatynyń arqasynda elderimiz arasyndaǵy bailanys basqa elderge úlgi bolarlyq deńgeide damyp kele jatqanyn, bolashaqta da Qazaqstan men Qyrǵyzstan arasyndaǵy yntymaqtastyq áleýetiniń zor ekenin aitty.
Odan ári taraptar, barlyq baǵytta, sonyń ishinde, parlamentaralyq qarym-qatynasty kúsheitýdiń mańyzdylyǵyna toqtaldy.
Kezdesý barysynda Palata Spikeri Qazaqstan Prezidentiniń eýraziialyq ideiasynyń 25 jyldyǵyna orai Astanada, qyrkúiek aiynda Eýropa jáne Aziia elderi parlamentteri spikerleriniń Tórtinshi keńesi ótetinin aityp, oǵan qatysýǵa qyrǵyzdyq áriptesterin de shaqyrdy.
N. Nyǵmatýlin jańadan qyzmetine kirisken elshige depýtattyq korpýs atynan tabys tiledi.
