Halyqtyń ál-aýqatyn arttyrýǵa arnalǵan barlyq bastamalardy sapaly zańdarmen qamtamasyz etý kerek. Bul týraly Májilis tóraǵasy Erlan Qoshanov málim etti, dep habarlaidy QazAqparat.
«Jurtpen qarym-qatynas, olardyń múddesin qorǵaý – sizder men bizdiń kúndelikti jumysymyzdyń negizi. Depýtattardyń sailaýshylarmen tiimdi jumys isteýi úshin biz barlyq jaǵdaidy jáne qosymsha múmkindikterdi jasaýymyz qajet. Múmkin, halyqpen kezdesý formatyn qaita qaraýymyz kerek shyǵar. Tamyrshydai tap basyp, jurttyń muń-muqtajyn bilý úshin jáne zańdar qabyldaý arqyly olardyń kókeikesti problemalaryn sheshý úshin biz sailaýshylarmen jiirek kezdesýge tiispiz», - dedi Qoshanov Májilistiń jalpy otyrysynda.
Osy oraida ol barlyq bastamalardy sapaly zańdarmen qamtamasyz etý kerek ekenin atap ótti.
«Jumysymyzda osy printsipterdi basshylyqqa ala otyryp, biz búkil qazaqstandyqtardyń múddesin laiyqty bildire alamyz dep senemin. Bizdiń maqsatymyz aiqyn, mindetimiz ortaq. Ol eldiń damýyna, halyqtyń ál-aýqatyn arttyrýǵa arnalǵan barlyq bastamalardy sapaly zańdarmen qamtamasyz etý. Osy jolda, qurmetti depýtattar, birlese eńbek etip, tiisti nátijelerge jetemiz dep senemin», - dedi Májilis tóraǵasy.
