Májilis tótenshe jaǵdai kezinde Qazaqstan Prezidentine qosymsha ókilettik beretin zań jobasyn maquldady, dep habarlaidy Sputnik Qazaqstan.
Búgin májiliste keibir zańnamalyq aktilerge tótenshe jaǵdai máseleleri boiynsha ózgerister engizý týraly zań jobasy qaraldy.
Zań jobasy tótenshe jaǵdai kezeńinde azamattardyń qaýipsizdigin jáne Qazaqstannyń konstitýtsiialyq qurylysyn qorǵaýdy qamtamasyz etý úshin jedel sharalar qabyldaý maqsatynda ázirlendi.
Ulttyq ekonomika ministrligi Rýslan Dálenovtiń aitýynsha, zań jobasynda tótenshe jaǵdai kezeńinde memlekettik basqarýdyń jumys isteý mehanizmi belgilenedi.
Ol úshin "Tótenshe jaǵdai týraly"jáne "Quqyqtyq aktiler týraly" zańdarǵa túzetýler engiziledi.
Atap aitqanda, qujat tótenshe jaǵdai kezeńinde zańnamanyń jekelegen salalarynyń qoldanylý erekshelikterimen tolyqtyrylady.
"Zań jobasynda olarǵa 14 sala jatqyzylady: salyqtyq, biýdjettik, keden, banktik, eńbek, monopoliiaǵa qarsy zańnama; densaýlyq, memlekettik satyp alý, valiýtalyq retteý týraly zańnama; áleýmettik qorǵaý, memlekettik múlik, memlekettik baqylaý jáne qadaǵalaý salasynda; sondai-aq eldiń halyqaralyq mindettemelerin iske asyrý", - dedi Dálenov.
Budan bólek, zań jobasymen tótenshe jaǵdai kezinde Prezidenttiń ókilettikteri keńeitiledi. Ǵylymi-ekonomikalyq saraptamanyń qorytyndysynda kórsetilgendei, Prezident tótenshe jaǵdai kezeńinde memlekettiń ulttyq, sonyń ishinde ekonomikalyq qaýipsizdigin qamtamasyz etýge jáne turaqtylyǵyn saqtaýǵa baǵyttalǵan shuǵyl is-qimyldy talap etetin qoǵamdyq qatynastarǵa jedel aralasa alady.
Ministr tótenshe jaǵdai kezinde qabyldanǵan quqyqtyq aktiler rejim aiaqtalǵanǵa deiin kúshinde bolatynyn atap ótti. Olardyń qataryna ózge qoldanylý merzimi belgilengen aktiler kirmeidi.
Zań jobasyn qabyldaý biýdjetten qosymsha qarjylyq shyǵyn talap etpeidi jáne teris áleýmettik-ekonomikalyq, quqyqtyq saldarǵa ákep soqpaidy.
Májilis zań jobasyn biraýyzdan maquldady.
