«Nur Otan» partiiasy tóraǵasynyń birinshi orynbasary Baýyrjan Baibek Májilis pen máslihattaǵy partiialyq tizim qalai jasalatynyn aityp berdi, dep habarlaidy "Ult aqparat".
«Qurmetti dostar! Ótken aptada «Nur Otan»-nyń partiiaishilik sailaýynyń birinshi kezeńi aiaqtalyp, reitingtik daýys berý qorytyndysy jariialandy. Oǵan «Praimeriz» aqparattyq júiesinde tirkelgen partiia músheleriniń 662 687-si nemese 84,2%-i qatysty. Ózderińizge málim, Elbasy, partiia Lideri Nursultan Nazarbaevtyń tapsyrmasy boiynsha keminde 30% áielder men 20% - 35 jasqa deiingi jastarǵa berilgen kvota eskerilip, Májilis pen barlyq deńgeidegi máslihattarǵa arnalǵan sailaýaldy partiialyq tizimder jasalady. Sondyqtan búgin Primaries.kz portalynda qatysýshylardyń jalpy reitingterimen birge, áielder men jastar arasynan túsken kandidattardyń reitingteri de jariialandy» dep jazdy Baýyrjan Baibek Facebook paraqshasynda.
Onyń aitýynsha, partiiaishilik irikteýdiń ekinshi deńgeiinde aýdandyq jáne qalalyq konferentsiialar ótkizilip, onda tiisti máslihattar sailaýyna arnalǵan partiialyq tizimder bekitiledi.
Sondai-aq, osy konferentsiialarda sailaýshy-delegattar jasyryn reitingtik daýys berý jolymen joǵary deńgeidegi óńirlik máslihattar men Májiliske arnalǵan partiialyq tizimderge qosý úshin úmitkerlerdi sailaidy.
Kandidattar aldaǵy pikirsaiystarda taǵy da baǵyn synaidy. Respýblikalyq mańyzy bar qalalardy qospaǵanda Májiliske úmitkerler eki ret – aýdandyq jáne oblystyq konferentsiialarda pikirsaiysqa túsedi.
«Praimeriz erejesine sáikes Parlamenttiń tómengi palatasyndaǵy «Nur Otan» partiiasynyń qyzmettegi depýtattary oblystyq partiialyq konferentsiialarda úshinshi deńgeidegi partiiaishilik irikteýge qatysa alady. Oblystyq máslihattarǵa partiialyq tizimder tiisti konferentsiialarda, al Májiliske arnalǵan qorytyndy tizim – «Nur Otan» Sezinde bekitiledi. Ashyqtyq pen aiqyndyqty qamtamasyz etý úshin praimerizdiń barlyq kezeńi partiianyń saitynda, sondai-aq BAQ pen áleýmettik jelilerde jariialanady» deidi partiia basshysy.
.jpeg)