Búgin Parlament Májilisiniń Áleýmettik-mádeni damý komitetiniń otyrysy ótti. Depýtattar Mádeniet jáne sport ministri laýazymyna taǵaiyndalatyn Aqtoty Raiymqulovanyń kandidatýrasyn qoldady, dep habarlaidy QR Parlamenti Májilisiniń baspasóz qyzmeti.
Bul másele «Qazaqstan Respýblikasynyń Parlamenti jáne onyń depýtattarynyń mártebesi týraly» Qazaqstan Respýblikasy Konstitýtsiialyq zańynyń 22-1-babyna sáikes Komitet otyrysynda qaraldy. Premer-Ministrdiń tapsyrmasy boiynsha kandidatty Premer-Ministr Keńsesiniń Basshysy Ǵalymjan Qoishybaev tanystyrdy.
Májilistiń Áleýmettik-mádeni damý komitetiniń músheleri A. Raiymqulovaǵa birqatar suraqtar qoidy. Qazaqstan Respýblikasy Parlamenti Májilisi Áleýmettik-mádeni damý komiteti otyrysynyń qorytyndysy boiynsha «Qazaqstan Respýblikasynyń Parlamenti jáne onyń depýtattarynyń mártebesi týraly» Qazaqstan Respýblikasy Konstitýtsiialyq zańynyń 22-1-babyna sáikes Qazaqstan Respýblikasynyń Premer-Ministri usynǵan Aqtoty Rahmetollaqyzy Raiymqulovanyń kandidatýrasy Mádeniet jáne sport ministri laýazymyna taǵaiyndaý úshin usynyldy.
Otyrys sońynda depýtattar kandidatqa aldaǵy jumysynda tabys tiledi.
