Foto: Qazaq-uni
Májilis depýtattary Senat usynǵan túzetýlerdi engizip, 2025–2027 jyldarǵa arnalǵan respýblikalyq biýdjet jobasyn qabyldady. Endi qujat prezidenttiń qol qoiýyna jiberiledi, dep habarlaidy Ult.kz.
Biýdjet jobasy parlament qabyrǵasynda qyzý pikirtalas týdyrdy. Depýtattar Ulttyq qordan turaqty túrde aýdarylatyn transfertterge alańdaýshylyq bildirip otyr. Degenmen, ár joly biýdjet jobalaryn maquldaidy. Bul joly da solai boldy, biraq májilismender aldymen senatorlar usynǵan túzetýlerdi engizdi.
«Senat depýtattary 2025–2027 jyldarǵa arnalǵan respýblikalyq biýdjet týraly zańǵa jalpy somasy 118,8 milliard teńgeni quraityn 135 túzetý engizdi. Onyń ishinde 2025 jylǵa — 60 milliard teńge, 2026 jylǵa — 38,5 milliard teńge, al 2027 jylǵa — 20,3 milliard teńge qarastyrylǵan. Senat engizgen túzetýler biýdjet parametrleriniń tepe-teńdigin buzbaidy jáne ekonomikanyń ári óńirlerdiń turaqty damýyna baǵyttalǵan. Májiliske Senat engizgen ózgerister men tolyqtyrýlardy maquldaýdy usynamyz», — dedi depýtat Erkin Ábil.
Onyń aitýynsha, bul qarajat óńirlerdi qoldaýǵa, atap aitqanda «Aýyl — el besigi» baǵdarlamasyn júzege asyrýǵa, kólik infraqurylymy men sý jabdyqtaý júiesin damytýǵa jumsalady.
