Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine Kaspii teńizinde qyzmetti júzege asyrýǵa bailanysty máseleler boiynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaidy QazAqparat.
Zań jobasy biylǵy 2 jeltoqsanynda birinshi oqylymda maquldandy.
Onyń maqsaty - Kaspii teńiziniń quqyqtyq mártebesi týraly Konventsiianyń erejelerin ulttyq zańnamaǵa implementatsiialaý.
«Ótken jyly Qazaqstan joǵaryda atalǵan Konventsiiany ratifikatsiialady, ol boiynsha jumys 20 jyldan asa júrgizildi. Kaspii mańyndaǵy barlyq elderdiń memlekettik organdarynyń, sarapshylary men iskerlik toptarynyń qatysýmen aýqymdy kelissózder jumysy iske asyryldy. Tuńǵysh Prezident Nursultan Ábishuly Nazarbaevtyń osy halyqaralyq qujatty qabyldaýǵa qosqan jeke zor úlesin atap ótkim keledi. Ol Konventsiianyń negizgi erejeleriniń biri – Kaspii teńizin beibitshilik pen tatý kórshilik aýmaǵyna ainaldyrý dep atap kórsetti», - dedi depýtat Baqtyqoja Izmuhambetov.
Onyń aitýynsha, zań jobasynda eni 15 teńiz mili bolatyn aýmaqtyq sýlar belgilenedi, olardyń syrtqy shekaralary memlekettik mártebege ie bolady. Aýmaqtyq sýlarǵa 10 mildik balyq aýlaý aimaqtary qosylady, onda árbir memleket kásipshilikke arnalǵan airyqsha quqyqtarǵa ie. Balyq aýlaý kelisilgen ulttyq kvotalar negizinde júzege asyrylatyn bolady.
«Balyq aýlaý aimaqtary sheginen tys ortaq sý keńistigi saqtalady. Memlekettik teńiz shekaralarynan tys jaǵalaýdaǵy elderdiń týlaryn kóterip júzetin kemeler úshin teńizde júzý erkindigi qoldanylatyn bolady. Kaspii mańy memleketteri balyq aýlaý aimaǵynda jáne ortaq sý keńistiginde sý biologiialyq resýrstaryn qorǵaýdy birlesip júzege asyrady», - dedi Májilis depýtaty.
Zań jobasymen jumys isteý barysynda jumys toby mynadai túzetýler engizdi:
1) «kontinentaldiktik qairań» uǵymyn pysyqtaýǵa baǵyttalǵan túzetýler jáne de endi bul uǵym Kaspii teńiziniń qazaqstandyq sektoryn qamtidy. Bul eki uǵymda qaishylyqtar bolmaýy úshin qoldanystaǵy zańnamaǵa sáikes keltirý maqsatynda jasaldy, óitkeni is júzinde olar bir nárseni bildiredi;
2) Qazaqstan Respýblikasynyń aýmaqtyq sýlarynyń mólsherin naqtylaýǵa;
3) «sý biologiialyq resýrstarynyń zańsyz, habarlandyrylmaǵan jáne rettelmegen kásipshiligi» uǵymyn pysyqtaýǵa;
4) Ulttyq qaýipsizdik komiteti Shekara qyzmetiniń quqyqtary men mindetterin qaita qaraýǵa baǵyttalǵan túzetýler.
«Konventsiia normalaryn implementatsiialaý maqsatynda Qazaqstan Respýblikasynyń Sý kodeksine, Qazaqstan Respýblikasynyń «Saýda maqsatynda teńizde júzý týraly», «Syrtqy barlaý týraly» Zańdaryna tiisti túzetýler engizildi», - dedi Baqtyqoja Izmuhambetov.
