Saiasi Keńes Biýrosynyń qaýlysymen Nur Otan partiialyq tizimi boiynsha Parlament Májilisi depýtatynyń mandaty merziminen buryn shyǵarylǵan Qanat Mýsinniń ornyna Nurlybek Ojaevqa tapsyryldy, - dep habarlaidy partiianyń "Ult aqparat" Twitter-paraqshasyna silteme jasap.
Nurlybek Ojaev 1964 jyly 3 shildede Atyraý oblysynyń Mahambet aýylynda dúniege kelgen.
1986 jyly Batys Qazaqstan Aýyl sharýashylyǵy institýtyn "injener-mehanik" mamandyǵy boiynsha, 2010 jyly Halel Dosmuhamedov atyndaǵy Atyraý memlekettik ýniversitetin "zańger" mamandyǵy boiynsha bitirgen.
Partiia baspasóz qyzmeti málimeti boiynsha, sońǵy 5 jylda Nur Otan partiiasy Atyraý oblystyq bólimshe tóraǵasynyń birinshi orynbasary bolǵan.
Eńbek jolyn kombainerler brigadasynyń sheber-retteýshisi retinde bastady. Ár jyldary Qaraǵandy oblysy Qarqaraly aýdany "Yntaly" sovhozynyń komsomol komitetiniń hatshysy, Atyraý oblysy Mahambet aýdandyq ákimshiliginiń aǵa referenti, Mahambet aýdandyq Jastar isi, týrizm jáne sport bóliminiń bastyǵy, Mahambet aýdany ákimdigi apparatynyń basshysy, Mahambet aýyldyq okrýginiń ákimi qyzmetin atqarǵan.
