QR Parlamenti Májilisiniń depýtaty Pavel Kazantsevtiń paiymynsha, eldiń damý baǵytyn bilý úshin ár Qazaqstan azamaty Prezident Joldaýyn tyńdaityn bolady, dep habarlaidy QazAqparat.
«Barsha qazaqstandyq qoǵam Prezident Joldaýyn kútip otyr, sebebi osy Joldaý koronavirýs indetiniń erekshe jaǵdaiynda jariialanady. Biz indetke jáne aýqymdy álemdik daǵdarysqa tap boldyq. Osy oraida problemalardyń tolyq spektrin qamtyp otyr. Ár adam bul jaǵdaida «qaida jáne qalai ilgerileimiz?» degen suraqty qoiyp otyrǵany belgili. Iri biznes mundai aýyrtpalyqty qiyn eńserip jatqanyn baiqadyq. Sondyqtan baǵytymyzdy bilý úshin 1 qyrkúiek kúni ár Qazaqstan azamaty Prezident Joldaýyn tyńdaitynyna senimdimin», - dedi depýtat.
Onyń paiymynsha, bazalyq eki kezeń bar - koronavirýs infektsiiasynyń taralý jaǵdaiy men indettiń ekinshi tolqynyna daiyndyq sharalary. Osy oraida ol memleket óziniń turaqtylyǵyn saqtaýy úshin ekonomikalyq ári áleýmettik máseleler boiynsha naqty maqsatty tujyrym qajet ekenin aitty.
«Meniń oiymsha, ekonomikalyq bólikke basymdyq beriledi, sebebi biz kiristi qalpyna keltirip, jumys oryndaryn ashyp, shaǵyn jáne orta biznesti damytýymyz kerek. Buǵan deiingi kezeńde biýdjettiń basym úlesi áleýmettik tólemderge, halyqty áleýmettik qoldaýǵa arnalǵan bolatyn. Sondyqtan jumyssyz adamdardy qoldaý jáne áleýmettik tólemderdi júzege asyrý tetigi úshin áleýmettik blok paida bolýy múmkin. Zańnamany qazirgi jaǵdaiǵa sáikes keltirý kerektigi týraly belgiler baiqalýda. Sáikesinshe, Joldaý jariialanǵannan keiin depýtattyq korpýs jedel tártipte normativtik aktiler men zańdardan bólek, Prezident bergen tapsyrmalar boiynsha jumysqa kirisedi degen senimdemin. Memleket basshysy Qasym-Jomart Toqaev aiqyndap bergen maqsatty mindetterdi sheshýge qosylýǵa daiynbyz»,- deidi Pavel Kazantsev.
.jpeg)