Májilismen Rýslan Berdenov astanalyq Abý Dabi Plaza shatyryna shyǵyp, Betmenniń beinesinde video túsirgen. Áleýmettik jelide taralǵan videony kópshilik synmen qabyldady.
"Basqa sharýa joq. Zarplata túsip jatyr, otkat kelip jatyr, shatyrǵa shyqpaǵanda shahtaǵa túsedi ǵoi dep pe edińder?!", "Betmen bolyp qarapaiym halyqty qutqarǵysy kelgen bolar. "Namiok" qoi bul", "Qiial", - dep jazdy qoldanýshylar.
Atalmysh video týraly Rýslan Berdenovtyń jeke akkaýntynda da, jáne partiianyń paraqshasynda esh málimet joq.
Májilismenniń bul áreketin áriptesi, Respublika partiiasynyń tóraǵasy Aidarbek Qojanazarov túsindirip kóripti.
«Birinshiden, bul eshqandai Respublika partiiasynyń is-sharasy emes. Partiiaǵa qatysy joq. Bul naqty depýtat Rýslan Berdenovtiń óziniń jeke bos ýaqytynda túsirgen videosy. Ol áleýmettik jobaǵa qatysty bir video túsirgen. Shyny kerek, ol men jáne partiia múshelerimen kelisken joq. Depýtat ta adam. Bos ýaqytyn paidalanǵan. Bastysy, zańdy buzbasa bolǵany, zań qabyldaý jumysymyzǵa áser etpeýi tiis. Biraq quptaimyn, quptamaimyn degen baǵa bere almaimyn», - deidi Aidarbek Qojanazarov.
Ol bul jaǵdai partiianyń bedeline esh áser etpeidi dep otyr.
Aita keteiik, depýtattyń TikTok akkaýntynda qara plashty qaharman Betmenniń sýreti qasqaiyp turǵanyn kórýge bolady.
