Parlament Májilisiniń jalpy otyrysynda palata depýtaty Qanat Mýsinniń ókilettigi merziminen buryn toqtatyldy, dep habarlaidy "Ult aqparat".
Parlament Senatynyń 2021 jylǵy 10 maýsymdaǵy qaýlysynyń negizinde Májilis depýtaty Qanat Mýsin Joǵary sot sýdiasy qyzmetine sailandy. Osy oraida zańnamaǵa sáikes Q. Mýsinniń depýtattyq ókilettigin merziminen buryn toqtatý týraly usynym engizildi.
Palata depýtattary bul usynymǵa qoldaý bildirdi.
«Qanat Sergeiuly, sizge Parlamentte birlesip atqarǵan jumysyńyz úshin alǵys bildiremiz. Májilistiń Zańnama jáne sot-quqyqtyq reforma komitetiniń basqaryp, kóptegen mańyzdy zańdardyń qabyldanýyna zor úles qostyńyz. Árdaiym júktelgen mindetti abyroimen atqaryp keldińiz», - dedi Májilis tóraǵasy Nurlan Nyǵmatýlin.
Osy oraida jalpy otyrysta Qanat Mýsinge «Alǵys hat» tabystaldy.
Eske sala keteiik, jaqynda Qazaqstan Respýblikasy Parlamenti Májilisiniń Zańnama jáne sot-quqyqtyq reforma komitetiniń tóraǵasy Qanat Mýsin Joǵarǵy sot sýdiasy bolyp sailandy.
