Bul týraly búgin Májilis depýtaty Elnur Beisenbaev balalar quqyǵyn qorǵaýǵa baǵyttalǵan zańnamalyq ózgertýler men tolyqtyrýlardy túsindirdi, dep habarlaidy QazAqparat.
«Balalar quqyǵyn qorǵaý boiynsha keibir zańnamalyq aktilerge ózgertýler men tolyqtyrýlar engizý týraly» zań jobasy aiasyndaǵy jumys toby osydan 10 ai buryn 2020 jyldyń mamyr aiynda qurylǵan edi. Sonymen qatar qazirgi ýaqytta Májilistiń 7-shyqyrylymy depýtattarynyń quramy jáne qoǵam belsendileri qatarynan osy ózgertýler men tolyqtyrýlardy engizý jónindegi jańa jumys toby quryldy. Jumys tobynyń quramy 65 adamnan turady. Onyń ishinde Májilis depýtattary, ÚEU ókilderi, psihologtar men pedagogtar, memlekettik organdardyń ókilderi, balalar men otbasylarǵa kómek kórsetý salasyndaǵy sarapshylar, ǵylym doktorlary, quqyqtanýshylar bar. Qańtar aiynan bastap jańa jumys tobymen 3 otyrys, al 2020 jyldan beri 14 otyrys ótti», - dedi Májilis depýtaty Ortalyq kommýnikatsiialar qyzmetindegi baspasóz máslihaty barysynda.
Onyń aitýynsha, qazirgi ýaqytta elimizdiń 3 kodeksine, 6 zańyna 35-ten astam ózgertý men tolyqtyrý usynylyp otyr. Onyń ishinde jetim balalar men erekshe balalardy tárbielep otyrǵan otbasylardyń turǵyn úi máseleleri boiynsha, erekshe qajettiligi bar balalarǵa arnalǵan ońaltý ortalyqtaryn ashý, jábirleý túsinigin engizý, sonymen qatar áleýmettik kómek kórsetýge bailanysty jáne ózge de normalar bar.
«Qoǵamda biraz suraq legin týǵyzyp otyrǵan «jábirleý» uǵymynyń redaktsiiasyn talqylaý úshin arnaýly saraptama alańy jumys isteidi. Búginde qoǵamda másele týdyryp otyrǵan osy bir túsinik bar. Sol sebepti osy jaiynda toqtalýdy jón kórip otyrmyn. Onyń basty sebebi - áleýmettik jeli, WhatsApp messendjerinde zerdelenbegen, shynaiy emes aqparattardyń taratylýy, olardyń kóbiniń dáieksiz halyq arasynda talqylanýy. Kóptegen qoǵam belsendileri bul túsiniktiń «qazaq dástúrine qarsy, qazaqilyqty joiýǵa jumys jasaý úshin engizip otyr» dep túsinedi. Bul olai emes. Kerisinshe, ózge balanyń qadirin qurmetteý men ony syilaýǵa baǵyttalady. Bilim berý mekemelerindegi jábirleýdi boldyrmaý jáne oǵan jaýap berý úshin júieli sharalar qabyldaýdyń mańyzdylyǵyn kórsetip otyr», - dedi Elnur Beisenbaev.
