Májilis depýtaty Zaǵipa Balieva «Baqytty otbasy» baǵdarlamasyna jas otbasylardy engizýdi usyndy, dep habarlaidy "Ult aqprat".
«Baspana máselesin qarastyrǵan kezde «Baqytty otbasy» baǵdarlamasyna kóbalaly, tolyq emes otbasylar, sondai-aq múmkindigi shekteýli balalardy tárbielep otyrǵan otbasylarmen qatar, jas otbasylardy da qosý kerek», - dedi depýtat.
Osy oraida ol bul qadam jas otbasylardyń berik bolýy, olardyń óz eliniń damýyna tolyqqandy jumys isteýi úshin qajet ekenin atap ótti.
«Ministrlikterde qyzmet etetin bir mamanǵa toqtalsaq, ol joǵary bilimin elimizde, ekinshisin shetelde alyp, elde jumys isteýge keledi. Ministrliktegi eńbekaqysy 90 myń teńge shamasynda. Bul aqshaǵa ol otbasyndaǵy eki balasyn asyrap, jaldap otyrǵan páterine tóleýi tiis bolady. Osy oraida jas mamandar qiyn jaǵdaiǵa tap bolatyny anyq», - dedi Z. Balieva.
Bul turǵyda depýtat atalǵan baǵdarlamanyń biýdjetin 10 esege arttyrýdy usyndy. Iaǵni, «Baqytty otbasy» aiasynda tiisti qarjylandyrýdy eskergen jón.
«Osy sharalar arqyly jas otbasylardy saqtap qalamyz, ekinshiden, olar ózderiniń aqshasyna osy páterdi satyp alýǵa barynsha tyrysady. Meniń oiymsha, bul baǵytta tiisti qadamdardy birlese pysyqtaǵan durys bolady», - dedi ol.
