مەجٸلٸس دەپۋتاتى زاعيپا باليەۆا «باقىتتى وتباسى» باعدارلاماسىنا جاس وتباسىلاردى ەنگٸزۋدٸ ۇسىندى, دەپ حابارلايدى "ۇلت اقپرات".
«باسپانا مەسەلەسٸن قاراستىرعان كەزدە «باقىتتى وتباسى» باعدارلاماسىنا كٶبالالى, تولىق ەمەس وتباسىلار, سونداي-اق مٷمكٸندٸگٸ شەكتەۋلٸ بالالاردى تەربيەلەپ وتىرعان وتباسىلارمەن قاتار, جاس وتباسىلاردى دا قوسۋ كەرەك», - دەدٸ دەپۋتات.
وسى ورايدا ول بۇل قادام جاس وتباسىلاردىڭ بەرٸك بولۋى, ولاردىڭ ٶز ەلٸنٸڭ دامۋىنا تولىققاندى جۇمىس ٸستەۋٸ ٷشٸن قاجەت ەكەنٸن اتاپ ٶتتٸ.
«مينيسترلٸكتەردە قىزمەت ەتەتٸن بٸر مامانعا توقتالساق, ول جوعارى بٸلٸمٸن ەلٸمٸزدە, ەكٸنشٸسٸن شەتەلدە الىپ, ەلدە جۇمىس ٸستەۋگە كەلەدٸ. مينيسترلٸكتەگٸ ەڭبەكاقىسى 90 مىڭ تەڭگە شاماسىندا. بۇل اقشاعا ول وتباسىنداعى ەكٸ بالاسىن اسىراپ, جالداپ وتىرعان پەتەرٸنە تٶلەۋٸ تيٸس بولادى. وسى ورايدا جاس ماماندار قيىن جاعدايعا تاپ بولاتىنى انىق», - دەدٸ ز. باليەۆا.
بۇل تۇرعىدا دەپۋتات اتالعان باعدارلامانىڭ بيۋدجەتٸن 10 ەسەگە ارتتىرۋدى ۇسىندى. ياعني, «باقىتتى وتباسى» اياسىندا تيٸستٸ قارجىلاندىرۋدى ەسكەرگەن جٶن.
«وسى شارالار ارقىلى جاس وتباسىلاردى ساقتاپ قالامىز, ەكٸنشٸدەن, ولار ٶزدەرٸنٸڭ اقشاسىنا وسى پەتەردٸ ساتىپ الۋعا بارىنشا تىرىسادى. مەنٸڭ ويىمشا, بۇل باعىتتا تيٸستٸ قادامداردى بٸرلەسە پىسىقتاعان دۇرىس بولادى», - دەدٸ ول.
